İmam Əli (ə) hərəmi iki milyon zairi qarşılayacaq / İran 30 min gül-çiçək dəstəsi tədqim etdi
İQNA-nın (Beynəlxalq Quran Xəbər Agentliyi) İraqın “biladnyuz” xəbər agentliyinə istinadən verdiyi xəbərə görə Əli Xızır Həci – İmam Əli (ə) ziyarətgahının idarə şurasının üzvü, dedi: “İmam Əlinin (ə) müqəddəs ziyarətgahının bölmələrinin, şöbələrinin və hərəmin nəzdində fəaliyyət göstərən hər bir idarənin məsulları bu il Qədir-Xum bayramında dünyanın müxtəlif yerlərindən iki milyon Vilayət və İmamət aşıqi olan ziyarətçini qəbul etməyə hazırdır. Hal-hazırda idarə heyəti ziyarətçilər üçün Qədir-Xum bayramı ilə əlaqədar proqramlar hazırlamaqla məşğuldurlar”.
Nəcəf-Əşrəf şəhərinin polis idarəsinin ümumi əlaqələr şöbəsinin müdiri Miqdad Əl-Musəvinin açıqlamasına görə ziyarətçilərin təhlükəsizliyinin təmin olunması üçün xüsusi tədbirlər görülmüşdür. Onun dediyinə görə bu il bayramda 2 milyon ziyarətçinin iştirak edəcəyi gözlənilir.
İmam Əlinin (ə) hərəminin xidmət işləri idarəsinin məsulu Üsamə Bəğdadi müqəddəs ziyarətgahın İrandan göndərilmiş və mütəlif növlərdən olan 30 min dəstə gül-çiçəklə bəzədiləcəyini demişdir. Bu güllər arasında “gülayul”, “roz”, “lalə”, “Məhəmməd gülü”, “kamilya” və s… gül növləri mövcuddur.
