Cənubi Afrika İsrailin soyqırımından beynəlxalq məhkəməyə şikayət edib
"İQNA", "Əl-Cəzirə"-yə istinadən xəbər verir ki, cümə günü, yanvarın 8-də Beynəlxalq Ədalət Məhkəməsinə müraciətdə Cənubi Afrika İsrailin Qəzzadakı hərəkətlərini soyqırım kimi qiymətləndirib.
Bu tələbdə deyilir: “Sözügedən hərəkətlərə Qəzzada fələstinlilərin öldürülməsi, onlara ağır fiziki və ruhi xəsarət yetirilməsi, həyatlarını təhlükə altına alan ağır həyat şəraitinin tətbiq edilməsi daxildir”.
Bu şikayət 21.500-dən çox insanın ölümünə və kütləvi dağıntılara səbəb olan mühasirədə olan Qəzza bölgəsinə İsrailin təxminən üç aya yaxın hava və qurudan hücumundan sonra edilir.
Bu Rejim oktyabrın 7-də İsrailin fələstinlilərə qarşı onilliklər ərzində törətdiyi vəhşiliklərə cavab olaraq Əl-Əqsa tufanı əməliyyatına başlayan Fələstin qruplaşması HƏMAS-ın məhv edilməsinə qədər mübarizəni dayandırmayacağını iddia edib.
İsrailin Qəzza və işğal altındakı İordan çayının qərb sahilindəki siyasətini keçmiş aparteid rejimi ilə müqayisə edən Cənubi Afrika, İsrailin davranışının BMT-nin Soyqırım Konvensiyasını pozduğunu açıqlayıb. Bu ölkə məhkəmədən konvensiya əsasında Fələstin xalqının hüquqlarını qorumaq üçün təcili və fövqəladə tədbirlər görməsini istəyib. Bir sıra insan haqları təşkilatları da İsrailin fələstinlilərə qarşı siyasətinin aparteidə bərabər olduğunu bildirib.
Fələstinin Xarici İşlər Nazirliyi Cənubi Afrikanın bu hərəkətini alqışlayıb və Beynəlxalq Ədalət Məhkəməsindən Fələstin xalqına gələcək zərərin qarşısını almaq üçün təcili tədbirlər görməsini istəyib. Bu nazirliyin bəyanatında deyilir: İsrailin elan etdiyi siyasətlər soyqırım xarakteri daşıyır və bu, müstəmləkə və aparteid rejiminin işğalı altında olan Fələstin xalqını xüsusi məqsədlə məhv etmək məqsədi ilə həyata keçirilir. Həmçinin bu, Soyqırım Konvensiyasına əsaslanan öhdəliklərini pozur.
Xatırladaq ki, İsrailin hücumu Qəzzanın mərkəzinə doğru genişləndiyi üçün yüz minlərlə məcburi köçkün fələstinlini cənubdan qaçmağa məcbur edir.
Dünya Məhkəməsi (World Cour) kimi tanınan ICJ ölkələr arasında mübahisələri həll edir. Bu məhkəmə insanları müharibə cinayətlərinə görə təqib edən Beynəlxalq Cinayət Məhkəməsindən (ICC) fərqlidir.
4190790
