Malayziyada Qurani-Kərimin rus dilinə tərcüməsinin təqdimatı keçirilib

İQNA – Malayziyanın paytaxtı Kuala Lumpurda Qurani-Kərimin rus dilinə tərcüməsinin təqdimat mərasimi keçirilib. Tədbirdə ölkənin baş naziri Anvar İbrahim iştirak edib.

İQNA “Bernama” portalına istinadla xəbər verir ki, çıxışında Anvar İbrahim islamofobiya ilə mübarizədə qəzəb və qınama yolunu deyil, elmi bilik, dialoq və Qurani-Kərimin yayılması yolunu seçdiklərini bildirib.

Baş nazir vurğulayıb ki, Malayziya İslamın təlim və ənənələrinə uyğun olaraq bu məsələyə qarşı anlayış və maarifləndirmə ilə cavab verir.

4298879