İndoneziyada şəhid rəhbərin adına olan maraq dalğası
“İQNA”-nın İranın İndoneziyadakı Mədəniyyət Müşavirliyinə istinadən verdiyi məlumata görə, İran İslam Respublikasının Cakartadakı mədəniyyət müşaviri Yəhya Cahangiri bu ailənin addımını yüksək qiymətləndirərək, bunu iki xalq — İran və İndoneziya arasındakı dərin mədəni bağların göstəricisi adlandırıb. O deyib: "İndoneziyada daha bir uşağa 'Seyid Əli Xamenei' adı verilib. Bu addım şəhid rəhbərin adına olan maraq dalğasının davamı olaraq atılıb və Cənub-Şərqi Asiya cəmiyyətinin bir hissəsinin İslam dünyasının nüfuzlu şəxsiyyətlərinə olan marağının və diqqətinin artmasının açıq göstəricisidir."
O, sözlərinə belə davam edib: "İndoneziyalı körpələrə 'şəhid rəhbər' adının qoyulması, İran coğrafiyasından uzaq nöqtələrdə yaşayan dindaşlarımızın əhəmiyyətli bir hissəsinin bizimlə həmfikir olduğunu sübut etməklə yanaşı, müsəlman ailələrin inqilabi dəyərlərin və ilhamverici modellərin gələcək nəsillərə ötürülməsindəki rolundan xəbər verir."
İranın mədəniyyət müşaviri bildirib: "Bundan əvvəl də, ümmətin imamının şəhadətindən qısa müddət sonra Kampar şəhərinin Tibun bölgəsində yaşayan bir İndoneziya cütlüyü yeni doğulmuş körpələrinə 'Əli Xamenei' adını qoymuşdu. Bu addım İndoneziya və regionun bəzi ölkələrinin mətbuatında geniş əks-səda doğurmuşdu."
İranın mədəniyyət nümayəndəsi əlavə edib: "Bu, 280 milyon əhalisi olan bu ölkənin atmosferində Ayətullah Xameneinin (r.ə) adının tanıdılması və yaşadılması üçün bir nümunəyə çevrilmiş mədəni bir hadisədir."
4358694
