Қозоғистонда ҳижобли муслималарга босимлар кучайган
Ҳижобли қозоқ муслималари олдингидек олий ва ўрта махсус ўқув юртларида маъмурият ва ўқитувчилар босимига учраб келмоқда.
Қуръон Халқаро ахборот агентлиги (ИКНА)нинг Марказий Осиё минтақасидаги бўлими хабар беришича, “Мегаполис” газетаси яқинда тарқатган маълумотга кўра, Қозоғистон қонунлари ўқув муассасаларида ҳижоб кийишни таъқиқлаган бўлмаса-да, мамлакатдаги айрим ўқув даргоҳларининг раҳбарлари ва мураббийлари ҳижоб ва рўмол кийишни таъқиқлашган ва ҳижобли хотин –қизлар ўқишга келишларига рухсат беришмайди ва ҳатто баъзи ҳолларда ҳижобли талабаларни ўқишдан ҳайдашмоқда.
Қайд этиш керакки, Қозоғистон Мусулмонлари Диний идораси жорий йилнинг март ойида чиқарган фатвога асосан талабаларни ҳижоб киймасликка мажбурлаш ёки уларнинг рўмолини ечдириш уларни ҳақоратлаш маъносини билдиради.
Қозоғистон Мусулмонлари Диний идорасининг фатво бўлими маълум қилишича, мамлакат Конституцисининг “Диний фаолиятлар ва ташкилотлар”га оид 3 –бандига асосан бу каби ҳатти –ҳаракатлар жиноят ҳисобланади ва қонунбузарлар жарима тўлаш орқали жазоланишлари керак.
1293462
