اسلامی تعاون تنظیم کی جانب سے دہشت گرد جماعت "بوکو حرام" کے ہاتھوں معصوم بچوں کے قتل کی پرزور مذمت

بین الاقوامی گروپ : اسلامی تعاون تنظیم نے ایک بیان کے ذریعے نائیجیریا کے ایک سکول پر بوکو حرام نامی دہشت گرد جماعت کے حملے کی شدید مذمت کی ہے جس کے نتیجے میں ۵۰ سے زائد معصوم بچے جاں بحق اور زخمی ہوئے ہیں ۔

ایران  کی  قرآنی  خبر  رساں  ایجنسی (ایکنا)  نے  اطلاع رساں ویب سائیٹ  " oic-oci "  کے حوالے سے نقل کرتے ہوئے کہاہے کہ  اسلامی  تعاون  تنظیم  کے  سیکرٹری  جنرل  "ایاد  امین  مدنی"  نے  ایک  بیان  کے  ذریعے  بوکو  حرام نامی  دہشت  گرد  گروپ کے  ہاتھوں معصوم  بچوں  کے قتل کی  شدید  مذمت  کرتے  ہوئے  نائیجیرین  حکام  سے  اس  واقعے  میں  ملوث  افراد  کو  فوری  گرفتار  کرنے  اور  ان  کو  کیفر  کردار تک  پہنچانے  کی  اپیل  کی  ہے  ۔
انہوں  نے  سوگوار  خاندانوں  کو  تعزیت  پیش  کی  اور  اعلان  کیا  :  اسلامی  ممالک  دہشت  گردی  کے  مکمل  خاتمے  کے  لیے  نائیجیریا  کے  ساتھ  ہر  ممکن  تعاون  کرنے  کے  لیے  تیار  ہیں  ۔
1380850