اسلامی کانفرنس تنظیم نے غزہ کی تعمیر نو کے حوالے سے خصوصی اجلاس بلانے کا مطالبہ کردیا
ایکنا نیوز- کویتی نیوز ایجنسی(KUNA) کے مطابق اسلامی کانفرنس کے ممبر ممالک نے خرطوم میں اجلاس کے بعد مطالبہ کیا ہے کہ غزہ کی تعمیر نو کے حوالے سے فوری طور پر خصوصی اجلاس بلایا جائے
سوڈانی پارلیمنٹ کی دعوت پر فلسطینی صورتحال کے حوالے سے اجلاس منعقد ہوا جسمیں کہا گیا کہ اسرائیل جنگ کا اصل ذمہ دار ہے اور اسمیں انسانی حقوق کو پامال کیا گیا ہے
اس اجلاس میں مطالبہ کیا گیا کہ جنگ میں تمام خلاف ورزیوں کی فہرست بنا کر اسے اگلے مہینے کے بین المجالس کونسل میں پیش کیا جائے جو جینوا میں منعقد ہورہا ہے
اس اجلاس میں تجویز دی گئی کہ فلسطین کی مدد کے لئے تمام اسلامی ممالک مالی،سیاسی،اور اخلاقی حوالے سے بڑھکر تعاون کریں تاکہ فلسطین اپنے حقوق کے لیے جدوجہد کرسکے
اس سے پہلے اجلاس میں ممبر ممالک کی طرف سے اسرائیلی جنگی خلاف ورزیوں کی فہرست پیش کرنے کا مطالبہ بھی کیا گیا۔
