مسجد الحرام کے اطراف میں تعمیری کام اور کرین حادثے پر آیتاللهالعظمی مکارم شیرازی کی کڑی نکتہ چینی
ایکنا نیوز- مفسر قرآن اور نامور مرجع تقلید آیتالله العظمی ناصر مکارم شیرازی نے درس خارج کے موقع پر گفتگو میں مکہ میں حادثے پر افسوس کا اظھار کیا اور مرحومین کے لیے فاتحہ خوانی کی
آیتالله العظمی ناصر مکارم شیرازی نے آل سعود کو نا اہل قرار دیتے ہوئے کہا کہ کونسی عقل سلیم اجازت دیتی ہے کہ اس موقع ہر جہاں لاکھوں کا اجتماع ہو وہاں آپ چھتوں کے اوپر ایسا کرین رکھے جسکے گرنے کا خدشہ موجود ہو
انہوں نے کہا کہ ضرورت تھی کہ کم از کم اس موقع پر کام کو روک کر ان کرینوں کو سائیٹ کیا جاتا تاکہ ایساواقع رونما نہ ہوتا
آیتالله مکارم شیرازی نے کہا کہ سعودی حکام طوفان کوبہانہ بنا رہے ہیں حالانکہ ہر کسی کو اتنی سمجھ ہے کہ طوفان یا تیز آندھی کو مدنظر رکھتے ہیں
انہوں نے مسجد الحرام کے اطراف میں بلند و بالا عمارات کو بھی نادرست قرار دیتے ہوئے ان عمارتوں کی تعمیر کو خانہ کعبہ کی بے احترامی کے مترادف قرار دیا
آیتالله مکارم شیرازی نے کہا کہ وجہ یہ ہے کہ آل سعود بیت اللہ کو اپنی جائیداد اور ملکیت سمجھتی ہے ۔ انکا کہنا تھا کہ بزرگ علماء کے مشورے سے خانہ کعبہ کے اطراف کی بلند عمارتوں کو گرایا جائے اور ان مقامات پر ایک منزل سے بلندتر عمارت کی تعمیر پر پابندی عائد کی جائے۔
آیت الله مکارم شیرازی نے اس امید کا اظھار کیا کہ عالم اسلام کے بزرگ علماء ان موضوعات پر غور فرمائیں گے۔
