اناؤ کے واقعے پر اویسی کا یوگی پر نشانہ، اگر فیصل کا نام وویک تیواری ہوتا تو حکومت معافی مانگتی

تہران (ایکنا) آل انڈیا مجلس اتحاد المسلمین کے سربراہ اور رکن پارلیمنٹ اسد الدین اویسی نے اتر پردیش کے اناؤ میں پولیس کی مبینہ وحشیانہ پیٹنے کے بعد نوجوان کی موت پر ریاستی وزیر اعلی یوگی آدتیہ ناتھ کو نشانہ بنایا ہے۔

سیاست نیوز کے مطابق آل انڈیا مجلس اتحاد المسلمین کے سربراہ اور رکن پارلیمنٹ اسد الدین اویسی نے اتر پردیش کے اناؤ میں پولیس کی مبینہ وحشیانہ پیٹنے کے بعد نوجوان کی موت پر ریاستی وزیر اعلی یوگی آدتیہ ناتھ کو نشانہ بنایا ہے۔ انہوں نے کہا کہ اگر مقتول کا نام فیصل نہ ہوتا اور وہ ہندو ہوتے تو سی ایم یوگی نے ان سے معافی مانگ لی ہوتی۔

قابل ذکر ہے کہ دو دن قبل پولیس کی مبینہ پٹائی کے سبب زیر حراست نوجوان کی موت کے بعد اناو میں ہنگامہ برپا ہوگیا تھا۔ اس معاملے میں اب تک دو پولیس اہلکاروں اور ہوم گارڈز کے خلاف ایف آئی آر درج کی جاچکی ہے۔