دبئی بین الاقوامی خوبصورت ترین قرآت مقابلوں کا اختتام
ایکنا نیوز- دبئی 24 نیوز کے مطابق اس کورس کے جیتنے والوں کے علاوہ ججنگ کمیٹی کے اراکین، امارات دبئی کے کچھ عہدیداران اور شرکاء کے والدین اس تقریب میں موجود تھے۔
شیخ راشد المکتوم قرآنی مقابلہ، خاص طور پر سب سے خوبصورت قرآت مقابلہ، متحدہ عرب امارات میں سب سے اہم قومی قرآنی مقابلوں میں سے ایک ہے۔ یہ مقابلے شیر نونہالوں، نوعمروں، نوجوانوں، اجتماعی اماموں، مبلغین اور خطباء کے لیے قرآنی آیات کے سیکشنز کے ساتھ ساتھ اماراتی شہریوں اور اس ملک میں مقیم غیر ملکیوں کے لیے اذان اور اقامہ کے سیکشن میں منعقد کیے گئے۔
ان مقابلوں میں شرکت کے لیے غیر اماراتی شہریوں کے پاس اس ملک میں رہائش کا ہونا ضروری ہے، اور سیاحتی ویزا رکھنے والے ان مقابلوں میں شرکت کے اہل نہیں ہیں۔ شرکت کرنے والے کو تجوید کے احکام اور خطوط پر مکمل عبور حاصل ہونا چاہیے اور اس نے اپنی ریکارڈ شدہ تلاوت کو پہلے شائع نہ کیا ہو، خاص طور پر سوشل نیٹ ورکس پر۔ اگر ان شرائط کی خلاف ورزی کا تعین کیا جاتا ہے تو جیوری کو کسی بھی مرحلے میں شریک کو مقابلے سے ہٹانے کا حق حاصل ہے۔
مقابلوں کے اس دور کا متحدہ عرب امارات کے لوگوں کی طرف سے وسیع پیمانے پر خیرمقدم کیا گیا ہے، اور صرف ابتدائی حصہ میں 500 سے زائد شرکاء موجود تھے۔
اختتامی تقریب میں ان مقابلوں میں حصہ لینے والے تمام امیدواروں کو اعزاز سے نوازا گیا اور انہیں یادگاری کے طور پر تحائف پیش کیے گئے۔/
4219304
