لیبیا میں حفظ قرآن کے بین الاقوامی مقابلے کے بارہویں دور میں 62 ممالک کی شرکت
ایکنا کے مطابق، لیبیا آبزرور کا حوالہ دیتے ہوئے، لیبیا کے اوقاف اور اسلامی امور کے جنرل ڈائریکٹوریٹ نے 9 جولائی کو حفظ قرآن کے بین الاقوامی مقابلے کے آغاز کا اعلان کیا ہے۔
لیبیا کے اوقاف کے بیان کے مطابق یہ مقابلہ دنیا کے 62 ممالک کے حافظان کی شرکت سے منعقد ہوگا اور مشہور قراء کرام اس مقابلے کی جیوری میں شامل ہوں گے۔
لیبیا کی اوقاف کی انتظامیہ نے بھی اعلان کیا کہ اس مقابلے کے موقع پر مختلف ثقافتی اور علمی تقریبات کا انعقاد کیا جائے گا۔
یہ مقابلے، جن میں حفظ، لحن اور ترتیل شامل ہیں، ملک کی خانہ جنگی کی وجہ سے 10 سال کے تعطل کے بعد دوبارہ شروع ہو رہے ہیں۔
اس سلسلے میں قطر کی وزارت اوقاف و اسلامی امور نے لیبیا کے بین الاقوامی قرآنی مقابلے میں شرکت کا اعلان کرتے ہوئے اعلان کیا ہے کہ محمد عبداللہ احمد محمد کانو اس مقابلے میں اس ملک کے نمائندے ہوں گے۔ اس بیان کے مطابق اس مقابلے کے بارہویں دور میں دنیا بھر سے وسیع پیمانے پر شرکت دیکھنے کو ملے گی۔
قطر اوقاف کے شعبہ دعوت اور مذہبی رہنمائی کے ڈائریکٹر ملا اللہ عبدالرحمن الجابر نے اعلان کیا کہ محمد اس ملک کی وزارت اوقاف سے منسلک قرآنی تعلیم کے مرکز میں زیر تعلیم ہیں اور یہ مرکز قطری قاریوں اور حافظوں کو قرآن پاک کے بین الاقوامی مقابلوں میں شرکت کے لئے تیار کرتا ہے۔
4225335
