دبئی میں اذان اور قرآنی ایجادات مقابلہ

ایکنا: دوسرا خاندانی مقابلہ «مؤذن محله» اور «قرآن هر گھر میں» کے عنوان سے قرآنی تعلیمات کی ترویج کے لیے منعقد کیا گیا ہے۔

ایکنا کی رپورٹ کے مطابق، دبئی نے ماہ رمضان کے آغاز کے ساتھ اپنے دوسرے قرآنی اقدام کا اعلان کیا ہے جس کا مقصد خاندان کے کردار کو مضبوط کرتے ہوئے قومی شناخت کو فروغ دینا اور نئی نسلوں میں سماجی و اسلامی اقدار کو راسخ کرنا ہے۔

"مؤذن محلہ" (مؤذن الفریج) کا نیا آغاز

اس سال "مؤذن محلہ" اقدام میں نئی جہت شامل کی گئی ہے جو خاندان کے کردار پر زور دیتی ہے۔ ولیعہد دبئی، شیخ حمدان بن محمد بن راشد آل مکتوم نے بھی ایک نئی مہم "قرآن ہر گھر میں" کا آغاز کیا ہے جس کے تحت دبئی کے ہر گھر کو قرآن کریم کا ایک نسخہ تحفے میں دینے کا ارادہ ہے تاکہ دینی آگاہی میں اضافہ ہو اور قرآن کریم ہر کسی کی دسترس میں ہو۔

قرآن کی تلاوت اور تدبر کی ترغیب

یہ اقدام معاشرتی افراد اور خاندانوں کو رمضان کے بابرکت مہینے میں قرآن کی تلاوت اور غور و فکر کی ترغیب دیتا ہے۔ اس مہم کے تحت دبئی کی ان مساجد میں قرآن کے نسخے تقسیم کیے جائیں گے جہاں بڑی تعداد میں نمازی آتے ہیں۔

کمسن مؤذنوں کی شمولیت

شیخ حمدان نے حکم دیا ہے کہ مؤذن محلہ اقدام کے تحت مساجد کی تعداد میں 50 فیصد اضافہ کیا جائے، خاص طور پر ان بچوں کی شمولیت کو یقینی بنانے کے لیے جن کی عمر 6 سے 14 سال کے درمیان ہے۔ احمد درویش المهیری، ڈائریکٹر جنرل اسلامی امور و فلاحی سرگرمیاں دبئی، نے امید ظاہر کی کہ اس دوسری مہم سے ایسے باصلاحیت افراد کا پتہ لگایا جا سکے گا جو اس مقابلے کے اہداف کے حصول میں مدد کریں گے۔

بہترین اذان کی آوازوں کا انتخاب

اس مقابلے کا مقصد بچوں کا مساجد کے ساتھ تعلق مضبوط بنانا، انہیں اذان دینے کی ترغیب دینا، اور رمضان میں جماعت کی نماز میں شرکت کی عادت پیدا کرنا ہے تاکہ مساجد سے ان کا تعلق مزید گہرا ہو۔ اسلامی امور اور فلاحی سرگرمیوں کے محکمے نے اعلان کیا کہ اذان کے بہترین آوازوں کے لیے رجسٹریشن 13 جنوری سے شروع ہو کر 7 فروری  تک جاری رہے گی۔ اس کے بعد 10 فروری  کو ججز کمیٹی کی جانب سے شرکاء کی کارکردگی کا جائزہ لیا جائے گا۔

محکمے کے مطابق، شرکاء کا انتخاب سخت اور منظم معیارات کی بنیاد پر کیا جائے گا تاکہ اذان کے لیے بہترین اور منفرد آوازوں کو منتخب کیا جا سکے۔/

4259679