فلسطین میں اشاعت قرآن غلطی بارے انتباہ
ایکنا نیوز- pnn.ps نیوز کے مطابق شیخ محمد حسین، مفتی اعظم قدس و فلسطین اور فلسطین کی اعلیٰ فتویٰ کونسل کے سربراہ نے اعلان کیا ہے کہ قرآن مجید کے ایک نسخے میں سنگین طباعتی غلطیاں پائی گئی ہیں۔
انہوں نے وضاحت کی کہ اس نسخے میں: صفحہ 412 سے سورۂ لقمان شروع ہوتی ہے لیکن اس کے بعد صفحہ 443 تک کی آیات غائب ہیں، جو سورۂ یٰسین تک ہونا چاہیے۔
مزید برآں، صفحہ 475 (سورۂ غافر) کے بعد صفحہ 444 (سورۂ یٰسین) دوبارہ آ گیا ہے، جو ترتیب میں غلطی ہے۔
شیخ محمد حسین کے مطابق، یہ نسخہ مصر کے قاہرہ میں واقع عطاء اللہ گروپ کی پرنٹنگ پریس سے شائع ہوا ہے اور جامعۃ الازہر کے مجمع تحقیقات اسلامی کے اجازہ نمبر 56 مؤرخہ 21/7/2019 کے تحت چھپا ہے۔
انہوں نے تمام کتب خانوں، پرنٹنگ پریسوں اور افراد سے اپیل کی ہے کہ اگر ان کے پاس یہ ناقص نسخہ موجود ہو تو اسے دارالافتاء فلسطین کے حوالے کریں تاکہ ضروری کارروائی کی جا سکے۔
مفتی اعظم نے خاص طور پر زور دیا کہ قرآن کی طباعت میں حد درجہ احتیاط برتی جائے، خصوصاً جب بعض پرنٹنگ پریس فوٹو کاپی یا تیز رفتار طباعت کے طریقے استعمال کرتے ہیں۔
واضح رہے کہ اس سے قبل بھی فلسطین میں طباعتی غلطیوں والے کئی نسخے سامنے آ چکے ہیں، جن میں:
دار التوفیقیہ کی ایک اشاعت میں صفحہ 132 سے 163 تک کی کمی تھی،
جبکہ ایک اور مصری-جرمن پرنٹنگ پریس سے شائع کردہ نسخے میں سورۂ اسراء کی آیت 2 میں "جعلناه" کی جگہ "جغلناه" چھپا ہوا تھا۔/
4275150
