شہید سید حسن نصراللہ کے خاندان اور لبنانی مزاحمتی قائدین کی رہبرِ شہید انقلاب کو خراجِ عقیدت
ایکنا: رہبرِ شہیدِ انقلاب اسلامی کے جسدِ اطہر کے ساتھ جاری عوامی مراسمِ وداع کے موقع پر شہید سید حسن نصراللہ کے اہلِ خانہ اور لبنان کی مزاحمتی تحریک کے متعدد کمانڈروں نے مصلی امام خمینی میں حاضری دے کر رہبرِ شہید کے بلند مقام کو خراجِ عقیدت پیش کیا۔
ایکنا نیوز کے مطابق لبنانی وفد نے مصلیٰ تہران میں پہنچ کر رہبرِ شہید کے جسدِ اطہر کے سامنے احتراماً حاضری دی اور ان کی علمی، دینی، سیاسی اور مزاحمتی خدمات کو سراہا۔ وفد کے اراکین نے اس سانحے پر ایرانی عوام، شہداء کے اہلِ خانہ اور اسلامی جمہوریہ ایران کی قیادت کے ساتھ دلی تعزیت اور یکجہتی کا اظہار بھی کیا۔
اس موقع پر لبنانی مزاحمتی قائدین نے رہبرِ شہید کے کردار کو امتِ مسلمہ، محورِ مقاومت اور خطے میں استقامت و بیداری کی تحریکوں کے لیے ایک اہم سرمایہ قرار دیا۔ انہوں نے کہا کہ شہداء کا راستہ مزاحمت، عزت اور حق کی سربلندی کا راستہ ہے اور یہ مشن آئندہ بھی جاری رہے گا۔ مراسمِ وداع میں لبنانی وفد کی شرکت ایران اور لبنان کے درمیان گہرے برادرانہ تعلقات، مشترکہ مزاحمتی اقدار اور شہداء کے ساتھ وفاداری کی علامت کے طور پر دیکھی جا رہی ہے۔
نظرات بینندگان
