Tacikistanda profilaktika və koronovirusla mübarizə komissiyası ölkənin bütün səlahiyyətli orqanlarına məscidlərin camaat namazlarına açılması üçün hazırlaşmağı tapşırıb.
Vəziyyətdə kəskin dəyişiklik baş verməyəcəyi təqdirdə məscidlər dindarları fevralın 1-dən qəbul edəcək.
Xatırladaq ki, Tacikistanda məscidlər 2020-ci il martın 4-dən etibarən bağlanıblar. Müvafiq qərarı Respublika komissiyası COVID-19 infeksiyasının yayılması ilə əlaqədar qəbul edib.
Bu qərardan 2 həftə sonra ibadət ocaqları qısa müddətə açılsa da, sonradan pandemiyanın genişlənməsi yenidən məscidlərin bağlanması ilə nəticələnib. /SuputnikTacikistan