Avropada müsəlman əhali 70 milyonu keçdi
2021-ci ildə tarixdə ilk dəfə olaraq Avropada müsəlman əhalinin sayı 70 milyonu keçib. Avropadakı müsəlmanların sayı hər il artmağa davam edir. Avropanın ən çox müsəlman olan ölkəsi hansıdır?
2021-ci ildə Avropanın əhalisi 744 milyon olaraq hesablandığı üçün, əhalisinin artım tempi ilə tezliklə müsəlmanların Avropanın 10%-dən çoxunu təşkil etməsi gözlənilir.
Avropa qitəsi
Ən böyük müsəlman əhali Rusiyadadır
Bildirilir ki, 2021-ci ildən etibarən qitədə ən çox müsəlman əhalisi olan ölkə Rusiyadır. Dəqiq statistika olmasa da, Rusiyanın Avropa ərazilərində təxminən 15-16 milyon müsəlmanın yaşadığı təxmin edilir.
Türkiyə ikinci yerdədir
Türkiyə isə bu sahədə ikinci yerdədir. 2021-ci ildən etibarən Türkiyənin Avropa ərazisində 13 milyondan çox müsəlman yaşayır.
Türkiyədən sonra müsəlmanların azlıq təşkil etdiyi Fransa, Almaniya və Böyük Britaniya gəlir.
Təxminən 7 milyon Fransada, 5,5 milyon Almaniyada və 4,5 milyon Böyük Britaniyada müsəlman yaşayır.
Avropa İttifaqında təxminən 27-30 milyon müsəlmanın yaşadığı təxmin edilir.
Avropa qitəsində müsəlman əhalinin yarısından çoxunu təşkil etdiyi ölkələr isə, Türkiyə, Bosniya və Herseqovina, Albaniya və Kosovodır.
Şimali Makedoniyada müsəlmanların orta müddətdə çoxluq təşkil edəcəyi gözlənilir.
Azərbaycan daxil edilməlidirmi?
Avropa qitəsinin şərq və cənub-şərq sərhədlərinin harada sona çatması mübahisəli olsa da, ümumi fikir, qitənin şərq sərhədinin Rusiyadakı Ural dağları və cənub-şərqdəki Qafqaz dağları olmasıdır.
Bəzi Avropa xəritələrində Azərbaycan, Gürcüstan və Ermənistan bütövlükdə Avropada sayılır. Belə bir ssenaridə, bu bölgələrdə yaşayan 10 milyondan çox müsəlman əhalinin əlavə edilməsi ilə Avropa qitəsinin müsəlman əhalisi 80 milyonu keçir.
/ iqna.ir/az / hurseda.net / deyerler.org
