Amerika polisinin hicablı qadınlara qarşı pis rəftarı
"Nation" jurnalı bir məqalədə Amerika polisinin Fələstinə dəstək nümayişlərinə müdaxilə edərkən müsəlman qadınlarla pis rəftar etdiyini və onları hicablarını çıxarmağa məcbur etdiyini bildirib.
"Əl-Qüds Əl-Ərəbi" saytının verdiyi məlumata görə, Ohayo Dövlət Universitetinin tələbələri universitetdən İsrail rejimini dəstəkləyən şirkətlərə sərmayə qoymağı dayandırmağı tələb edən kampaniyaya başlayıblar.
Belə olan halda, bu universitetin tələbələrindən olan Süməyyə Həmdaməd etirazçılar arasında olmasa da, həbs edilərək Franklin qraflığının həbsxanasına aparılıb. Orada onun üzərini axtarıblar və hicabını çıxarmasını tələb ediblər.
Dəfələrlə hicabının verilməsini istəsə də, istəyinə məhəl qoyulmayıb və 12 saat başı açıq oturub.
Məqalənin başqa bir hissəsində yazır: "Din azadlığı pozulan yeganə şəxs Həmdaməd deyil. Amerika polisinin Fələstin tərəfdarı nümayişlərdə iştirak edən hicablı qadınlara hücum etməsi ilə bağlı çoxsaylı hallar qeydə alınıb. Bütün pozuntular Arizona Dövlət Universiteti, Kolumbiya, DePaul və Ohayo Dövlət Universiteti kimi universitetlərdə baş verib".
"Nation" jurnalı bu yaxınlarda yazıb ki, Fələstin tərəfdarı nümayişlərdə iştirak edən müsəlman qadınlara qarşı insidentlərin artması Amerika ədliyyə sisteminin çatışmazlıqlarını ortaya qoyur, hicabın dinin simvolu olduğunu və qadınların ondan bədənlərini örtmək üçün istifadə etdiyini, müsəlman qadınların bu hüquqdan məhrum edilməsinin onlara təhqir olduğunu yazıb.
4223281
