BMT Baş katibi, İran və ABŞ arasında atəşkəsə alqışladı
“İQNA”-nın “Əl-Cəzirə”-yə istinadən verdiyi xəbərə görə, BMT-nin sözçüsü Stefan Düjarrik bəyanatında bildirib ki, Baş katib ABŞ və İran arasında iki həftəlik atəşkəsin elan edilməsini alqışlayır. O, cari döyüşlərdə iştirak edən bütün tərəflərdən beynəlxalq hüquq çərçivəsində öz öhdəliklərini yerinə yetirməyi və atəşkəsin müddəalarına riayət etməyi istəyib ki, bölgədə davamlı və genişmiqyaslı sülhün bərqərar olması üçün şərait yaransın.
Sözçü əlavə edib ki, Baş katib müharibələrin sona çatmasının mülki əhalinin həyatını qorumaq və insanlıq əzablarını azaltmaq üçün vacib olduğunu vurğulayıb.
Düjarrik qeyd edib: "Baş katib, Pakistan və digər atəşkəsi asanlaşdıran ölkələrin səylərini dərin təşəkkürlə qarşılayır və Baş katibin şəxsi nümayəndəsi Jan Arno, bölgədə davamlı sülh üçün səyləri dəstəkləyir."
ABŞ və İsrailin İran əleyhinə 40 günlük müharibəsindən sonra, nəhayət, Çərşənbə günü səhər saatlarında (7 Aprel 2026-cı ildə ABŞ Şərq vaxtı ilə Çərşənbə axşamı gecəsi) tərəflər, Pakistanın vasitəçiliyi ilə, müharibənin sona çatdırılması və davamlı sülhə nail olmaq üçün danışıqlar aparmaq məqsədilə iki həftəlik atəşkəs barədə razılığa gəldilər. ABŞ Prezidenti Donald Tramp, 7 Aprel 2026-cı ildə yerli vaxtla Çərşənbə axşamı axşam saatlarında, 40 gün davam edən müharibədən sonra geri çəkildiyini açıqlayıb.
Tramp bəyanatında bildirib: "Pakistanın Baş naziri Şahbaz Şərif və Pakistan Silahlı Qüvvələrinin Baş Komandanı ilə aparılan danışıqlardan sonra, mənə İran üzərindəki güclü zərbəni bu gecə dayandırmağımı xahiş etdilər. Əgər İran Hərməz boğazını tamamilə, dərhal və təhlükəsiz şəkildə açmağa razılaşarsa, iki həftəlik atəşkəs elan etmək qərarına gəldim."
ABŞ Prezidenti əlavə edib: "Bunun səbəbi odur ki, biz artıq bütün hərbi hədəflərə çatmışıq və onlardan daha irəli getmişik. Lakin uzunmüddətli sülh haqqında yekun bir razılaşmaya çatmaq hələ çox yol var." Tramp İranın 10 maddəlik təklifini qəbul etdiklərini bildirib və: "Bu təklifin danışıqlar üçün praktiki bir əsas olduğunu düşünürük. ABŞ və İran arasındakı əvvəlki mübahisələrin əksəriyyəti razılaşdırılıb, amma iki həftəlik bir dövr bu razılaşmanın tamamlanması və sona çatması üçün şərait yaradacaq." ABŞ Prezidenti əlavə edib: "ABŞ və Orta Şərq ölkələri adından, bu uzun müddət davam edən problemin həll edilmək üzrə olduğunu görməkdən qürur duyuram."
4345125
