Braziliyada Quran əzbərləyən tələbələr təqdir olunub
Braziliya İslam Mərkəzi ərəbcə bilməyənlər üçün Qurani-Kərimin hifzi müsabiqəsində seçilmiş tələbələrin şərəfinə xüsusi bayram tədbirinin keçirildiyini elan edib.
"İQNA", "Əxbarul-yəvm"-ə istinadən xəbər verir ki, Braziliyanın "Villa Cachon" İslam Mərkəzində Karaib hövzəsi və Cənubi Amerikada İmam camaatları və İslam İşləri üzrə Ali Şurasının sədri Əbdül-Həmid Mütəvəllinin nəzarəti altında tələbələr və Qurani-Kərimin hifzinə məsul şəxslərə ehtiram göstərmək üçün mərasim keçirilib.
İmam camaatları və İslam İşləri üzrə Ali Şurasının sədri Əbdül-Həmid Mütəvəlli vurğulayıb ki, bu mərkəz müqəddəs Ramazan ayı başlayandan ərəb dilini bilməyənlər arasında Qurani-Kərim müsabiqəsi keçirir.
O, bildirib ki, 59 oğlan və qız tələbə qiymətli həvəsləndirici mükafatlar qazanıb. Həmçinin qeyd edib ki, müsabiqə ərəb dilini bilməyən müsəlman ailələr arasında rəqabət şəraitində keçirilib.
