İnsanın inkişaf yolu
Bir işi yerinə yetirərkən həmişə mənşəyinə, üsuluna və təyinatına diqqət yetirmək iş prosesini sürətləndirir. Bir şey etmək üçün ilk addımda olduğunuzu bilmək, motivasiyamızı itirməməyə kömək edəcək. Məsələn, gələcəkdə biləcəksiniz ki, sıfırdan başladığım və bu mərhələyə çata bildiyim üçün bu addımları keçib daha yüksək mükəmməlliyə çata bilərəm!
Mənşəyinə fikir verməklə yanaşı, gedəcəyi yerə də diqqət yetirmək lazımdır. Çox zəhmətdən sonra hara çatacağınızı və hansı zirvədə dayanacağınızı bilirsinizmi? Bu ikisindən daha vacib olanı təyinat yerinə çatma üsuludur. Hərəkətsiz heç bir işin mümkün olmadığı və hər hərəkətin bir üsula ehtiyacı olması təbiidir. Bilirsiniz ki, maşınlarla dolu küçədən keçə bilməzsiniz. Çünki qəza ehtimalı var və xəsarət ala bilərsiniz. Sonra başqa üsuldan istifadə edib piyada körpüsündən keçirsiniz.
Tarix boyu bir çox insanın niyə tərəqqi və inkişaf edə bilməməsi onların metodlarından asılıdır. Doğru yoldan və təhlükəsiz üsuldan istifadə etmək insanı nəinki gecikdirir, əksinə, insanı saniyə-saniyə irəliyə atır.
İnsanları gedəcəkləri yerə ən gözəl şəkildə hidayət edən bu üsul və vasitələrdən biri də Qurandır. Əmirəl-möminin Əli (ə) buyurur: "Quran onunla həmnişin olan şəxs bir şey artırıb və bir şey azaltmışdır. Ona artırdığı hidayətdir. Ondan azaltdığı isə zəlalətdir". (Xütbə, 176).
İmam Əli (ə) bu cümlə ilə Quranla yoldaşlığın insana təsirinə etiraf edir və onun üçün iki xüsusiyyəti qeyd edir: 1. Yoldan azmağın azalması 2. Hidayətin artması.
Quran insanın bütün xüsusiyyətlərindən və hallarından xəbərdar olan bir kitabdır. Çünki insanı yaradanın dili ilə ifadə edilmişdir. Belə mühüm xüsusiyyətə malik bir kitab olduğu zaman onunla hər an yoldaşlığın zəlalət quyusundan çıxmağa və hidayət qapısından içəri girməsinə səbəb olması təbiidir.
Quran bütün bəşəri hallardan xəbərdar olduğu üçün insanı azdırmaz və tərəqqiyə aparan ən etibarlı yoldur. Amma həmin Quranı düzgün təfsiri ilə oxumaq və tətbiq etmək lazımdır; Bu, Əhli-beytin (ə) bizə təqdim etdiyi həmin təfsirdir.
Bu baxımdan bir rəvayətə istinad edərək bəhsimizi yekunlaşdıracağıq: İmam Sadiq (ə) buyurur: "Həqiqətən, Allah Öz Peyğəmbərinə (s) haram və halalı, Quranın təfsirini və təvilini öyrətdi. Allahın Rəsulu (s) da onların hamısını həzrət Əliyə (ə) öyrətdi".
Belə ki, Allah Quran elmlərini Peyğəmbərə (s) öyrətdi və Peyğəmbər də onu İmam Əliyə (ə) öyrətdi. Bu yüksəliş və tərəqqi mənbəyindən istifadə etmək üçün elm sahiblərinə müraciət etməliyik.
