Əl-Əqsa məscidi xətibi Əlcəzairin Fələstinlə bağlı mövqeyini tərifləyib
"İQNA"-nın Əlcəzair Radiosunun saytına istinadən verdiyi məlumata görə, Əl-Əqsa məscidinin xətibi Şeyx İkrimə Səbri Əlcəzairin Fələstin məsələsində qətiyyətli mövqeyini təqdir edib və ölkə prezidenti Əbdül-Məcid Tebbunə bu məsələni dəstəkləmək üçün davamlı səylərinə görə təşəkkür edib.
Əl-Əqsa məscidinin xətibi Əlcəzair prezidenti ilə görüşdən və simvolik bir hədiyyə olaraq Qaya günbəzindən bir daş parçası çatdırdıqdan sonra verdiyi açıqlamada və onun Fələstin məsələsindəki qəti mövqeyini təqdir edərək dedi: "Bu, prezident Zati-aliləri Əbdül-Məcid Tebbun ilə ilk görüş idi. Bu görüş, Fələstin və Əlcəzair arasında mövcud olan dostluq və səmimi münasibət kimi dostluqla keçən və səmimi bir görüş idi".
Əl-Əqsa məscidinin xətibi bildirib ki, Əlcəzair prezidenti Qüds şəhəri və Məscidül-Əqsa ilə bağlı tələblərimizi qəbul etməyə hazır olduğunu bəyan edib.
O, tarix boyu iki ölkə arasındakı əlaqələrin ölçüsünə və Əlcəzairin Fələstin məsələsində “dəyişməyən” mövqeyinə diqqət çəkdikdən sonra, bu beynəlxalq platforma vasitəsilə Fələstinin səsini dünyaya eşitdirməyə çalışan Birləşmiş Millətlər Təşkilatının Təhlükəsizlik Şurasına üzvlüyünə görə ölkəyə təşəkkür etdi.
O, sözlərini belə yekunlaşdırıb: “Allah Əlcəzairə və onun prezidentinə bərəkət versin, ömrünü uzadsın, ona təhlükəsizlik və əmin-amanlıq bəxş etsin”.
4269530
