Müsəlman şagirdə hörmətsizlik etdiyinə görə ingilis müəllim işdən çıxarıldı
“İQNA”-nın “Rusiya əl-Yəvm”a istinadla verdiyi xəbərə görə, “Teleqraf” qəzeti yazıb ki, müəllim bu sözləri Londondakı bir ibtidai məktəbdə dedikdən sonra uşaqlarla işləməkdən məhrum edilib.
Qəzetin məlumatına görə, müəllim bu açıqlamalarına görə yerli Uşaq Müdafiə Şurasına yönləndirilib.
Şikayəti qeydə alan uşağın sözlərinə görə, müəllim bildirib ki, bu məktəb dini məktəb deyil və İslam ibadətlərini yerinə yetirmək istəyən şagirdlər yaxınlıqdakı İslam məktəbinə yazılmalıdırlar. O, həmçinin şagirdlərə deyib ki, İngiltərə hələ də xristian ölkəsidir və kral İngiltərə Kilsəsinin rəhbəridir.
Hadisədən sonra müəllim şagirdlərə birgəyaşayış və dözümlülük dəyərlərini izah etməyə çalışıb və iddia edib ki, o, sadəcə İslamın İngiltərədə hələ də azlıq dini olduğunu vurğulayıb. Onun vəkilləri yerli hakimiyyətə qarşı hüquqi şikayətlərində izah ediblər ki, məktəb dini məktəb deyil, oyun meydançasında namaz qılmaq qeyri-rəsmi şəkildə qadağandır və bunun üçün xüsusi otaq ayrılıb.
Buna baxmayaraq, məktəb əvvəlcə müəllimi işdən müvəqqəti uzaqlaşdırıb, daha sonra isə tamamilə işdən çıxarıb. Müəllim daha əvvəl Uşaq Müdafiə Şurasına və Metropoliten Polisə yönləndirilmişdi, lakin polis araşdırmasından sonra ona qarşı heç bir ittiham irəli sürülməyib və iş bağlanıb.
Üç uşaq müəllimə qarşı yazılı şikayət təqdim edib və bu şikayətlər 9 mütəxəssis – o cümlədən bir mühafizə əməkdaşı, bir polis zabiti, iki sosial işçi, bir insan resursları məsləhətçisi və məktəb direktoru tərəfindən araşdırılıb. Uşaqlar müəllimin qışqırıqlarından qorxduqlarını və narahat olduqlarını bildiriblər.
4321992
