Misirdə ilk Qari muzeyi açıldı
“İQNA”-nın “əl-Xəlif”ə istinadən verdiyi xəbərə görə, muzeyin açılış mərasimində Misirin vəqflər naziri Usamə əl-Əzhəri və mədəniyyət naziri Əhməd Fuad Hənnu iştirak edib və muzeyin müxtəlif bölmələrini ziyarət ediblər.
Muzeydə Misirin tanınmış 11 böyük qarinin şəxsi əşyaları nümayiş olunur. Onların sırasında:
- Məhəmməd Rəfət
- Əbdül-Fəttah Şəşai
- Taha əl-Fəşni
- Mustafa İsmayıl
- Mahmud Xəlil əl-Hüsri
- Məhəmməd Sadiq Menşavi
- Əbul-eynən Şueyşə
- Mahmud Əli əl-Bənna
- Ustad Əbdül-Basit Əbdüs-Səməd
- Məhəmməd Mahmud Tiblavi
- Əhməd ər-Rəzifi
Bu qarilərin ailə üzvləri də muzeyin açılışında iştirak ediblər.
Muzeyin dizaynını mühəndis Karim əş-Şapuri hazırlayıb. Məkan dörd əsas zalı əhatə edir və burada əlyazmalar, nadir əsərlər, həmçinin Əzhər tərəfindən bəzi qarilərə verilmiş Quran icazə sənədləri saxlanılır.
Muzeyin digər bölmələrindən biri də seçilmiş tilavətləri dinləmə zalıdır. Burada ziyarətçilərə qarilərin həyatını daha yaxından tanımaq və onların tilavətlərini dinləmək imkanı yaradılır.
Misir vəqflər naziri Usamə əl-Əzhəri açılışda bildirib:
“Muzeyin açılışı dini orta yolçu kimliyi qorumaq və tilavət simvollarını yad etmək istiqamətində mühüm addımdır. Onlar Quranı insanların qulaqlarından əvvəl qəlblərinə çatdırdılar.”
O əlavə edib: “Misir Quran tilavət məktəbi, Allahın kitabını düzgün anlamaqda və gözəllik, xüşu və orta yolçuluq dəyərlərini İslam ümmətində möhkəmləndirməkdə təsirli olmuşdur.”
Nazir vurğulayıb ki, Misir qariləri Quran elmlərindəki bilikləri, yüksək ifaçılığı və səmimi tilavəti birləşdirərək, tilavətlərini müxtəlif nəsillər üçün bir düşüncə məktəbinə çevirmişlər.
O həmçinin qeyd edib: “Bu muzey tilavət simvollarının tarixini və onların dini-mənəvi maarifləndirmədəki rolunu tanıtmaqda mühüm əhəmiyyət daşıyır.”
4323165
