Cihadla bağlı 100 ayə; niyə Əlfasi Trampın səsini eşitdi
“İQNA”-nın məlumatına görə, beynəlxalq Quran müsabiqələrinin qiraətçisi və hakimi, həmçinin “Məhfil” televiziya proqramının dörd mövsümünün aparıcılarından olan Əhməd Əbülqasəmi, özünü “Quran qiraətçisi” adlandıran Məşari Raşid Əlfasinin ölçüsüz və şəxsiyyətinə yaraşmayan sözləri barədə belə deyib: “Belə məqamlarda dünyanın müxtəlif ölkələrində tanınmış dini şəxsiyyətlərin və Quran qiraətçilərinin susması ayrıca bir mövzudur. Lakin ən qınanılacaq hal, bəzi şəxslərin əlaqəsiz və münafiqcasına danışmasıdır.
Təəssüf ki, Məşari Əlfasi kimi insanlar həqiqəti bildikləri halda, həyasız bəyanatlarla İrana hücum və xalqın qırılması çağırışları ediblər. Bu şəxslər açıq-aşkar nifaq içindədirlər.
Qəti şəkildə vurğulayıram ki, belə münafiqlərin sözlərinə və Quran tilavətlərinə qulaq asılmamalıdır. Əgər bir insan hər hansı səbəbdən narahatdırsa, susa bilər; lakin bu cür münafiq adamlar nəinki susmur, hətta açıq şəkildə ölkəmizə və xalqımıza qarşı addım atılmasını tələb edirlər. Belələri lənətə layiqdir.
Quran qiraətçiləri və tilavət edənlər cihadın ön cəbhəsində olmalıdırlar; istər döyüş meydanında fiziki cihad, istərsə də təbliğ və izah cihadı. Onlar insanları Quranla tanış etdikləri kimi, cihad və müqavimət ayələrini də xalqa izah etməlidirlər. Xalq bilməlidir ki, Quranda yüzdən çox ayə bizi birbaşa cihad və müqavimətə çağırır. Bu ayələr oxunmalı və insanlara açıqlanmalıdır.”
Qeyd edək ki, Küveytli Quran qiraətçisi və dini nəğmə ifaçısı Raşid Əlfasinin qalmaqallı tvit paylaşaraq ABŞ prezidentindən “İrana qarşı cəhənnəm qapılarını açmasını” istəməsi, İran və dünya müsəlmanları arasında geniş tənqidlərə səbəb olub.
4345212
