Britaniya Müsəlmanlar Şurasının Qurana hörmətsizlik edən şəxsə viza verilməsinə etirazı
“İQNA”-nın Britaniya Müsəlmanlar Şurasına istinadən verdiyi xəbərə görə, Şura Britaniyanın daxili işlər naziri Şəbana Mahmudun ünvanına yazdığı açıq məktubda parçalanma yaradan şəxslərə viza verilməsi siyasətindəki ikili standartlardan narahatlığını ifadə edib.
Bu açıq məktubda Şura ABŞ-dan olan islamofob və Qurana hörmətsizlik edən ifrat sağçı fəal Valentina Qomesin gələn ay keçiriləcək bir toplantıda iştirak etmək üçün ölkəyə buraxılması barədə Daxili İşlər Nazirliyinin qərarından dərin narahatlığını bildirib.
Şura məktubda qeyd edir: bu qərar ifadə azadlığının tətbiqində açıq şəkildə ikili standartların mövcudluğunu göstərir və potensial olaraq Britaniya küçələrində təhlükəsizliyin azalmasına səbəb ola bilər. Dini qruplara qarşı ritorikalarına görə digər şəxslərin ölkəyə girişinə qadağa qoyulduğu halda, bu ziddiyyət kimin sözlərinin qəbuledilməz sayıldığı və kimin ölkəyə buraxıldığı ilə bağlı ciddi narahatlıqlar yaradır.
Məktubun bir hissəsində deyilir: biz bu məktubu Valentina Qomesin Britaniyaya girişinə icazə verilməsi ilə bağlı dərin narahatlığımızı ifadə etmək üçün yazırıq. Bizim fikrimizcə, bu qərar ifadə azadlığının tətbiqində açıq ikili standartları nümayiş etdirir.
Qomes bundan əvvəl bir neçə təxribatçı bəyanat səsləndirib və 2025-ci ilin sentyabrında keçirilən “Birləşmiş Krallıq” mitinqində Tami Robinsonla yanaşı dayanaraq müsəlmanların öz ölkələrinə qaytarılmasını tələb edən kütləyə müraciət edib. O həmçinin polis zabitlərinə birbaşa müraciət edərək demişdi: “Mən sizdən xahiş edirəm ki, əmrlərə tabe olmaqdan əl çəkin, çünki bilirsiniz ki, ölkəniz işğal olunur və təslim olurkən sizə başqa tərəfə baxmağınız tapşırılır.”
4347521
