400-dən çox keçmiş Aİ diplomatının sionist rejimin mübahisəli planına etirazı
“İQNA”-nın “əl-Qüds əl-Ərəbi”yə istinadən verdiyi xəbərə görə, 400-dən çox keçmiş Avropa naziri, səfiri və rəsmisi Aİ rəhbərlərinə ünvanlanmış açıq məktubda sionist rejimin "Fələstin torpaqlarının qanunsuz ilhaqı"na qarşı dərhal tədbir görülməsini tələb edib.
Bu addım, işğal altındakı Qərb sahilində minlərlə yaşayış vahidinin tikintisini nəzərdə tutan "E1" adlı layihə çərçivəsində həyata keçirilir.
Məktubu imzalayanlar arasında Aİ-nin keçmiş xarici siyasət və təhlükəsizlik məsulü Josep Borrell kimi şəxslər də var. Onlar vurğulayıblar ki, Aİ və üzv dövlətlər öz tərəfdaşları ilə əməkdaşlıq edərək bu prosesin davam etdirilməsinin qarşısını almaq üçün dərhal addımlar atmalıdırlar.
Bu hesabata görə, 2025-ci ildə təsdiq edilmiş "E1" layihəsi Qərb sahilini iki hissəyə bölüb gələcək Fələstin dövlətinin coğrafi bütövlüyünü ciddi təhlükə ilə üz-üzə qoya bilər. Bu plan Şərqi Qüdsdə təxminən 3400 yaşayış vahidinin tikintisini əhatə edir.
İmzalayanlar həmçinin Aİ-dən ən azı məqsədli sanksiyaların tətbiqi, o cümlədən yaşayış məntəqələrinin tikintisində iştirak edən şəxslər və qurumlar üçün viza qadağası və iqtisadi fəaliyyətlərə məhdudiyyətlər kimi addımları gündəmə gətirməyi tələb edirlər.
Bu tələb, BMT və Aİ kimi qurumların əvvəllər də bu layihə barədə xəbərdarlıq edib onun dayandırılmasını tələb etdiyi bir zamanda irəli sürülür.
Sionist rejim 1967-ci ildən bəri Qərb sahilini işğal edib və hazırda bu bölgədə 500 mindən çox yaşayış məntəqəsi sakini yaşayır. Eyni zamanda bu torpaqda təxminən üç milyon fələstinli də həyat sürür və yaşayış məntəqələrinin tikintisi prosesi son illərdə, xüsusilə 2022-ci ildən etibarən əhəmiyyətli dərəcədə sürətləndirilib.
4350702
