“İQNA”-nın "jo24"-ə istinadən verdiyi məlumata görə, İordan çayının qərb sahilinin şimalında, Səlfitin qərbində yerləşən əz-Zaviyə şəhərində işğalçı rejim ordusu genişmiqyaslı basqın və axtarışlar aparıb. Bu zaman onlar fələstinli sakinlərin ev əşyalarını dağıdıb, bir neçə gənci döyüb və evlərdən birində Qurani-Kərimin bir nüsxəsini cırıblar.

Yerli mənbələrin məlumatına görə, işğalçı rejim hərbçiləri bu basqın zamanı bir neçə gənci həbs edib, onlara hücum çəkib və saatlarla davam edən səhra istintaqına cəlb ediblər.

Nablusda işğalçı qüvvələr İordan çayının qərb sahilinin cənubundakı Asirə əl-Qibliyə kəndinə hücumları zamanı döyüş sursatları və səs bombaları atıblar. Həmçinin Qaryut şəhərinə, Tubasın şərqindəki Təyasir kəndinə və Səlfitin qərbindəki əz-Zaviyə şəhərinə də basqınlar edilib.

Cənində isə işğalçı qüvvələr fələstinli qaçqın düşərgəsinin yaxınlığındakı "əl-Hədəf" bölgəsində bir evə basqın edib və yaşayış binasına hücum edərək bir qadını və oğlunu həbs ediblər.

Sionist qüvvələr həmçinin İordan çayının qərb sahilindəki Əl-Xəlilin şimalına, işğal olunmuş Qüdsün şimalına, Deyr Abu Məşəl kəndinə və Ramallahdakı Cəlazun qaçqın düşərgəsinə hücum edərək sakinlərin evlərinə basqın ediblər.

Əl-Xəlildə sionist rejim qüvvələri şəhərə basqınla yanaşı, kütləvi həbslər həyata keçiriblər; saxlanılanların əksəriyyəti əvvəllər azadlığa buraxılmış keçmiş məhbuslar olub.

Fələstin təşkilatları ötən ay ərzində İordan çayının qərb sahili və işğal olunmuş Qüdsdə işğalçı ordu və köçkünlər tərəfindən 1659 hücum qeydə alıb.

Bu pozuntulara köçkünlərin 551 birbaşa hücumu daxildir ki, bu da Səlfit və Ramallah əyalətlərində iki fələstinlinin şəhid olması ilə nəticələnib.

4358335