Təntadan Hərəmeyni-Şərifə: Şeyx Mahmud Əli əl-Bənnanın həyatındakı parlaq məqamlar
“İQNA”-nın "Sədyull-Bələd"ə istinadən verdiyi məlumata görə, Şeyx Mahmud Əli əl-Bənna unikal tilavət üslubu və Qurani-Kərimin oxunmasında fərqli yanaşması ilə tanınır. O, Misirdə və bütün dünyada Quran yazılarından ibarət geniş bir irs qoyub.
Şeyx Mahmud Əli əl-Bənna Qari və Hafizlər Sindikatının yaradılmasında mərkəzi rol oynamış və 1984-cü ildə təşkilat yaradılarkən onun sədr müavini seçilmişdir.
O, 1948-ci ildə, 22 yaşında ikən Misir radiosuna qoşulub və o dövrün ən gənc rəsmi qari və hafizlərindən birinə çevrilib. Onun səsi zəngin melodik çalarları, düzgün ifası və dinləyicilərə dərindən təsir etmək qabiliyyəti ilə fərqlənirdi.
Şeyx Mahmud əl-Bənna Misirin ən nüfuzlu məscidlərində, Təntanadakı Əhmədi məscidindən tutmuş Qahirədəki İmam Hüseyn (ə) məscidinə qədər Ramazan gecələrinin şənliyində iştirak edib.
O, həmçinin Misiri bir çox beynəlxalq Quran heyətləri və forumlarında təmsil edib. Onun səsi Məkkə və Mədinədəki Hərəmeyni-Şərifdə, Əl-Əqsa məscidində, Əməvi məscidində və Avropa və Asiyanın bir çox digər böyük məscidlərində əks-səda doğurub.
Şeyx Mahmud Əli əl-Bənna 20 iyul 1985-ci ildə, 59 yaşında, Qurani-Kərimə həsr olunmuş, bərəkətli, möhtəşəm səs və ustad tilavətlərlə dolu bir həyatdan sonra dünyasını dəyişib. O, tilavət, tədris və Misiri daxildə və xaricdə şərəflə təmsil etməklə Allahın kitabına səmimi xidmət etmişdir.
Aşağıda Şeyx Mahmud Əli əl-Bənnanın "Nur" surəsinin ilk 10 ayəsini tilavət etdiyi videonu izləyə bilərsiniz:
4365185
