"İQNA"-nın "əl-Yəvm əs-Sabi" qəzetinə istinadən verdiyi məlumata görə, tamaşaçılar və münsiflər heyəti atasının təşviqi ilə 5 yaşına qədər bütün Quranı əzbərləyən bu balaca oğlanın Quran ayələrini tilavət etməsinə böyük maraq və həvəslə reaksiya veriblər.

"Dövlətül-Tilavə" seçmə yarışlarının ikinci mövsümünün ilkin mərhələləri beş əyalətdən iştirakçıların qatılması ilə üç gün müddətində başlayıb.

Qina əyalətində "Dövlətül-Tilavə" seçmə mərhələsi

Bu seçmə mərhələsi "Dövlətül-Tilavə" istedadların aşkar edilməsi proqramının ikinci mövsümü üçün seçim prosesinin bir hissəsidir. Layihənin məqsədi Qurani-Kərimin tilavəti sahəsində görkəmli istedadları aşkar etmək, yetişdirmək və gözəl səsə malik olan şəxslərə bu layihənin yarışlarında iştirak etmək üçün fürsət yaratmaqdır.

Misirin Vəqflər Nazirliyi bu ilkin mərhələnin Quran istedadlarına dəstək verməkdə, iştirakçıları tilavət qaydalarına və ifa texnikalarına yiyələnməyə həvəsləndirməkdə əhəmiyyətini vurğulayıb. Bu təşəbbüs seçkin qarilər nəslinin yetişdirilməsinə və Misir qiraət məktəbinin yüksək mövqeyinin qorunub saxlanılmasına kömək edir.

İlkin mərhələlərin nizamlı təşkili

İlkin mərhələlərin Misir Vəqflər Nazirliyi tərəfindən müəyyən edilmiş cədvəl və mexanizmlərə uyğun olaraq, yarışda iştirak edən beş əyalətdən gələn iştirakçıları qəbul etməsi planlaşdırılır. Bununla yanaşı, prosesin rəvan və sistemli getməsini təmin etmək üçün zəruri nəzarət və icra tədbirləri nəzərdə tutulub.

"Dövlətül-Tilavə" proqramı Misir Vəqflər Nazirliyi tərəfindən "Birləşmiş Media Xidmətləri Şirkəti" ilə əməkdaşlıq çərçivəsində başladılan ən görkəmli layihələrdən biridir. Bu televiziya proqramının məqsədi Misir Quran tilavəti sənətini yeni bir üslubda təqdim etmək, ölkənin müxtəlif əyalətlərində gənc istedadları aşkar etmək, eyni zamanda istedadlı səsləri tanıtmaq və onların bacarıqlarını artırmaq üçün bir media platforması yaratmaqdır.

4369205