Labbeejo kuncuɗo horma qur’aana oo jaggaama
John Terry, labbeejo mbo ngannduɗaa o duppiino qur’aana jeyaaɗo Florida to Amerik oo, jaggaama hanki e Alarba 11 septambre 2013 tawi o mbo gaar noo oto makko oo e parking gooto tawi o roondii heen ko kaamiiluuji tawi o mbo tuppunoo e majji petorol o yiɗnoo ko waɗde aniye o anniyinoo duppude ko yaata e kaamiiluuji 2998 fodde limoore ko maaynoo e attack terroriste ji ñande sappo e go’o septambre .
Cimtol jaaynde qur’aaniyaŋkoore international (iqna) egginiɗum ko e aayaawo habrirde (The Associate Press), commisaroat tunndu (Pulk kantii) Florida oo jaggii John Terry labbeejo jaaroowo ko yaata e duuɓi 61 tawi o mbo laawndi e (Marwin sap juniir) ballo makko jaaroowo duuɓi 44 e dow felde ɓe duppude jayngol e dow ko aldaa e laawol.
John terry oon hollirii wonde ko e jamaanu o wonno e yaade faade to parking to Malberi to tunndu Polk Kantii fii duppude kaamiiluuji e ñalaande sappo e ɗiɗi aniversair attack terroriste ji 11 septambre.
Commissariat Polk kantii oo caggal nde jaggi ɓee ɗoon yimɓe ɗiɗo ɓe kollirii wonde tuume goɗɗe kadi ina pawee e dow maɓɓe wonde jogaade jogoramje e dow ko yaadaani e laawol.
ɓe naɓaama to kasoo polk kantii e nder jamma aljuma ñalaande ɓe njagaa ndee.
John e ballodiiɗo makko oo ko e jamaanu ɓe ngonoo e fewjude nduu ɗoon waddu bonndu ko ndeen police nokkuure ooo yiitiɓe, ko ndeen ɓe njaggi ɓe paaniɓe to commissariat tunndu maɓɓe nduu.
Yimɓe oo ɗoon karcee ɓee kadi tawi ɓooyiino kalmaade ɓe to commissariat maɓɓe e dow ɗee ɗoon golle maɓɓe, ɓe teeŋtinii wonde nduu ɗoon maɓɓe waddu ina jogorii falaade masalahaa hakunde diineeji.
John Terry ko labbeejo e nder eglisyel tokosel ngel anndaaka to Florida, o yiɗiino duppude kaamiluuji e hitaande 2010 hinde alla jaɓaani e nder hitaande 2011 o hawranaama duppude yoga e defte qur’aana ɗuum addi mette mawɗe e nder juulɓe aduna hee. 1287040
