بەڕێوەچوونی قۆناغی كۆتايی حەڤدەهەمين خولی كێبەركێی سەرتاسەری قورئان لە كوەيت
قۆناغی كۆتايی حەڤدەهەمين خولی كێبەركێی سەرتاسەری لەبەركردن و خۆشخوێنی قورئان كوەيت بەيانی، هەشتی ڕەزبەر، بە هەوڵی سندووقی وەقفی قورئان و زانستی قورئانی ئەوقافی كوەيت لەو وڵاتە دەست پێ دەكات.
بە پێی هەواڵی هەواڵنێری ناودەوڵەتی قورئان (ئيكنا) زمانحاڵی ڕۆژنامەی «القبس» چاپی كوەيت، ئەو خولە لە كێبەركێیەكان سبەينێ لە پاش نوێژی شێوان بە بەڕێوەچوونی ڕێوڕەسمی كرانەوە بە چاوەدێری شريدە المعوشرجی، وەزيری ئەوقاف و كارو باری ئيسلامی لە مزگەوتی جامعی «الدوله»ی كوەيت دەست پێ دەكات و ئەم كێبەركێيانە لە دوو ڕيز تەمەنی جياواز بەڕێوە دەچێ كە لە بەشێك دا، مێردمنداڵان و گەنجان خەريكی كێبەركێ دەبن و لە ڕيزی تەمەنی تر دا بۆ هەموو جەماوەر ئازادە.
مساعد ئەلڕەخيس، ڕيكخەری هەموو كێبەركێیەكان ڕايگەياند: ئەم ڕكابەرانە ڕووبەڕووی پێشوازی گەورەی خەڵكی كوەيت بۆتەوە و لە قۆناغی یەكەم دا ٢٦٤٠ ڕكابەری كچ و كووڕ بەشدار بوون و ١٧٦١ كەس لەوان چوونە قۆناغی كۆتايی.
مساعد ئەلڕەخيس لە درێژە دا وتی: قۆناغی كۆتايی كێبەركێی سەرتاسەری قورئان كوەيت سبەينێ دەست پێ دەكات و تا ١١ی مانگی ڕەزبەر بەردەوامە.
ئەلڕەخيس جەختی كردەوە: بەشداران لەو قۆناغەی ئەم ڕكابەريانە دا بە پێی كاتی دياری كراو لە لایەن كۆميتەی دايمی كێبەركێیەكان، بەشداری دەبن، بە شێوەیەك كە ڕكابەری قورئانی تايبەت بە كووڕان و پياوان ڕۆژانی دووشەممە و سێشەممە ٨ و ٩ی ڕەزبەر بەڕێوە دەچێ و ڕۆژانی چوارشەممە و پێنجشەممە ١٠ و ١١ی ڕەزبەريش تايبەت بە ڕكابەری ژنان و كچانی گەجە.
1295247
