نصر الله: عربستان په لبنان ، عراق ، افغانستان او سوریې کې د ناکراریو عامل دی

نړیواله ډله: د لبنان د اسلامی مقاومت غورځنګ حزب الله مشر وویل د ایران د اټومی موافقې اصلی ګټونکی د سیمې ملتونه دی.

د قر ان نړیوال خبری اژانس ایکنا د یو راپور پر اساس چې له المنار ټی وی چینل یې نقلوی چې د لبنان د اسلامی مقاومت غورځنګ حزب الله عمومی منشی سید حسن نصر الله له  او ټی وی چینل سره په مرکه کښې وویل بې شکه د ایران او پینځه جمع یوې ډلې موافقه به مهمې پایلې ځان پسې ولری او په دغه موافقې کښې اصلی ګټونکی د سیمې ملتونه دی.

 

ښاغلی نصر الله وویل چې د سیمې ځینو عربو هیوادونو په سیمه کښې د جنګ د شروع  کولو کوشش کاوه او مونږ پوهیږو چې د جنګ پیلیدا د سیمې لپاره ناوړه پایلې درلودلې او د ایران د اټومی موافقې تر ټولو  مهمه نتیجه له سیمې د جنګ لیرې کول وو.

 

د لبنان د اسلامی مقاومت غورځنګ حزب الله مشر وویل د ایران اټومی موافقه په دنیا او نړیوالو ټولنو کښې د څو  قطبی نوی فضا د رامینځته کیدا سبب شوی ده.

 

سید حسن نصر الله په دې خبرې سره چې امریکا له ایران سره د اړیکو د جوړولو کوشش کوی وویل مونږ د ایران په هکله د امریکا د دریځ د بدلیدا کتونکی یوو خو ایران په دې باره کښې بیړه نه کوی.

 

د لبنان د اسلامی مقاومت غورځنګ حزب ا لله مشر حسن نصر الله وویل د ایران او امریکا ترمینځ د اړیکو د عادی کیدا په هکله څه ویل زر دی ځکه چې اوس هم  د دواړو هیوادونو ترمینځ ډیر  داسې مسایل شته چې حل نه دی شوی.

 

هغه په دنیا او سیمه کښې د ایران د اسلامی جمهوریت د مقام اهمیت ته په اشارې  سره وویل  ایران د سیمې یو ستر هیواد دی او  مونږ د ځینو چارو په باره کښې له ایران سره په  کامل ډول مشوره کوو.

 

د لبنان د حزب الله مشر د ایران او سعودی عربستان د اړیکو په باره کښې وویل ایران له ډیرو کلونو راهسې له سعودی عربستان سره خبرو ته دلچسپی ښیی خو سعودی عربستان  دوستۍ ته غاړه نه ایږدی او دغه د سیمې له ډیرو اسلامی او عربو هیوادونو سره د سعودی عربستان مشکل دی.

 

ښاغلی نصر الله وویل سعودی عربستان د  خپلو ګوډاګیانو له لارې په لبنان، عراق ، افغانستان او سورېې  کښې په جنګ بوخت دی او ناکرارۍ رامینځته کوی.

 

هغه وویل د سعودی عربستان، ترکیې او قطر په شمول د سیمې او دنیا ځینې ستر هیوادونه له پوځی لارې د سوریې د حکومت د نسکورولو کوشش کوی او هغوې له سوریې سره د تفاهم او خبرو اترو ظرفیت او روحیه نلری.

 

د لبنان د حزب الله مشر له اسرایلو سره د عربانو د صلحې خبرو اترو ته په اشارې سره وویل دغه خبرې د فلسطین د خلکو لپاره هیڅ مثبته نتیجه نلری او حتی د فلسطینیانو لږ شان حقونه هم نه پوره کوی .

 

1330174