د رهبرۍ ستر مقام لخوا نوی كال د دوه برابره همت او دوه برابره كار كال ونومول شو‏

سياسی او ټولنيزه ډله: درهبرۍ ستر مقام د ۱۳۸۹ هجری لمريز كال د نوروز په مناسبت، تير ‏كال د عظمت او برياليتوب كال وباله.‏

د ايران د قرانی خبری اژانس (ايكنا) د يو راپور پر اساس، حضرت آ يت ا... ا لعظمی خامنه ‏ای د نوی كال په مناسبت د مباركۍ په ويلو سره ټنګار وكړ، د هيواد او اسلامی جمهوری نظام ‏دښمنان په تيرو ۳۰ كلونو كې ټولې هڅې وكړې چې دغه انقلاب له داخله له ماتې سره مخا مخ ‏كړی، خو ملت د دغو سترو دسيسو په مقابل كې په پوهې او بصيرت او مقاومت سره وكړای ‏شول چې دښمن له ماتې سره مخامخ كړی .‏
ښاغلی ايت الله خامنه ای له انتخاباتو او ټؤلټاكنو وروستو پیښو او د سلواغې د ۲۲ نیټې ستر ‏لاريون، د ايران د ملت وياړمنه او د سرلوړۍ تجربه وبلله او زياته یې كړه، ۸۸ كال د اسلامی ‏انقلاب د برخليك جوړونكی ډګرونو كې د ايرانيانو د اغيز من او تاريخی شتون كال ؤ.‏
هغوی په دوام كې نوی كال د دوه برابره همت او دوه برابره كار په نامه ياد كړ، او وې ‏فرمايل، هيله من يم چې په نوی كال كې دهيواد ټول مسولين د كلتوری، سياسی عمرانی، په ‏شمول په ټولو ډګرونو كې د ايران د خلكو په ملګرتيا سره په وچتو ګامونو او همت سره خپلو ‏سترو هدفونو ته نږدې شی .‏
د رهبرۍ ستر مقام وويل، هيواد دوه برابره همت ته اړتيا لری ،بايد په خدای توكل وكړو او ‏پوه شو چې دښمنان زمونږ د ټولنې د ايمان او علم دښمنان دی .هغوی په دوام كې داسلامی ‏انقلاب دبنسټګر حضرت امام خمينی ره ستر مقام ته په احترام سره ، د شهيدانو، ‏كورنيو،معيوبينو،سرشيندونكو او دايران ستر ملت ته درود واستوه‏
‏554741‏