د ايران د قرانی خبری اژانس (ايكنا) د يو راپور پر اساس، د تهران د جمعی لمانځه خطيب آيت الله سيد احمد خاتمی د حمل ياوری شلمی ورځی نومونی ته په اشاری سره چی په ايران كښې د اتومی انرژۍ ملی ورځ نومول شوی ده وويل د نړۍ راتلونكی انرژی اتومی انرژی دع او د ايران ملت د خپل دغه مسلم حق د ترلاسه كولو لپاره له هیڅ ډول هڅو ډډه نه كوی .
د تهران د جمعی لمانځه خطيب د ايران داسلامی جمهوريت د سوله ايزو اتومی فعاليتونو پر ضد د اسلامی انقلاب د دښمنانو منفی تبليغاتو ته اشاره وكړه او ویې ويل د ايران ملت په اتومی تكنالوژۍ پسې دی نه په اتومی وسلو پسی ، ځكه داسلام سپیڅلی دين ددغه ډول كار اجازه نه وركوی.
آيت الله خاتمی زياته كړه نړيواله ټولنه كه د نړيوال آمنيت او سولی په باب اندیښمنه وی نو امريكا دی چی له ۲۵۰۰ زياتی اتومی خولۍ لری او په هيروشميا او ناكازاكی د اتومی حمله كونكی دی او تور داغ یې په تندی دی مجبوره كړی چی نړيوال او د اتومی انرژۍ د نړيوال اژانس قوانين ومنی .
د تهران د جمعی لمانځه خطيب جوته كړه امريكا چی هر چيرته یې تللی هلته یې وژله او چورتلان كړی چی بيلګې یې افغانستان او عراق دی ، كه بشريت په رښتيا د نړيوالی سولی او آمنيت په اړه اندیښمن دی نو د امريكا د غير منطقی حكومت اوكړچار په وړاندی دی ودریږی .
هغه د رهبرۍ د ستر مقام لخوا د نوی كال نومولو چی دوه برابره كار او دوه چندانه همت یې نومولی وويل په دغه كال او درستو ډګرونو كښې بايد د نوښت په تمه واوسو .
559621
