د ايران د قرانی خبری اژانس (ايكنا) د يو راپور پر اساس، د اسلامی انقلاب ستر لارښود ټينګار وكړ قرآن ته د پام په رڼا كښې په نړۍ كښې د ايران د ملت اغيزمن توب زيات شوی او دغه ملت د قدرت په احساس سره د دښمنانو په مقابل كښې ولاړ دی.
د انقلاب ستر لارښود زياته كړه كلونه كلونه هڅی وشوی د قرآن او قرآنی معارفو او د اسلامی امت د زړونو تر مينځ واټن پيدا شی تر دی چی په ځينو اسلامی هيوادونو كښې د اسلام د دښمنانو د رعايت په دليل د جهاد فصل له درسی كتابونووويستل شول .
د اسلامی انقلاب ستر لارښود حضرت آيت الله العظمی سيدعلی خامنه ای له اسلامی انقلاب مخكې او وروسته د ايران د قرآن حركت په پرتله كولو سره وفرمايل په تيرو ديرشو كلونو كښې مخ په وړاندې ستر حركت پيل شوی او زيات شمير ليواله ځوانان د قرآن با تجربه حافظان او قاريان شوی دی .
ايت الله خامنه ای په دغه كتنه كښې چی د حضرت امام حسين (عليه السلام) د مباركی زوكړی له كليزی سره په يوه وخت د حضرت امام خمينی (رح) په حسينيه كښې وشوه له قرآن سره انس د مسلمانانو په نړۍ او زړه كښې د قرآن د حقيقتونو او معارفو د نفوذ زمينه جوړونكی وباله.
د اسلامی انقلاب ستر لار ښود په دوام كښې قرآن يوه پياوړی الهی رسۍ وبلله او زياته یې كړه قرآن د طيبه ژوند زيری وركړی دی او دا طيبه ژوند هماغه په عزت، امنيت، هوساينې، خپلواكۍ ، علم، پرمختګ، اخلاقو، صبر او زغم سره ژوند دی چی له قرآن سره د انس او په دغه الهی رسۍ د منګلو لږلو په رڼا كې تر لاسه كیږی.
615062
