د ايران د قرانی خبری اژانس (ايكنا) د يو راپور پر اساس، دتهران دجمعې لمانځه خطيب آيت ا... احمد خاتمی د امريكائی پوځ د لوئی درستيز جنرال مايك مولن دغوخبرو ته په اشارې سره چې په ايران د حملې پلان په اختيار كې لری وويل امريكا په تيرو ۳۱ كلونوكې ونه توانيدله د ايران په وړاندې كومه غلطی وكړی او اوس هم د ايران د پاك اسلامی جمهوری نظام په خلاف هیڅ ناسنجول شوی اقدام نه شی كولی .
د تهران د جمعې لمانځه خطيب د ايران په ضددامريكايانو ګواښونه يو نفسياتی جنګ وباله او په عين حال كې ئې ټينګار وكړ، په ايران حمله په درستې نړۍ كې د امريكا ګټې له خطرې سره مخامخوی .
هغه وويل كه امريكا د ايران د اسلامی جمهوريت په وړاندې له صهونيسټ رژيمه استفاده وكړه ، نو دغه جعلی رژيم به د نړۍ له مخه ورك شی . آيت ا... احمد خاتمی دغه راز د ايران په وړاندې دامريكا د دوه ګوڼو سياستونو په شميرلو سره وويل دامريكا حكومت يو دوكه باز او ناكام حكومت دی چې نړيوالو قوانينو ته هیڅ پابندی نه كوی .
د تهران د جمعې لمانځه خطيب وويل كه نړيوال د دنيا د سولې په فكركې وی ، نوپوه شی چې اساسی خطره دغه جعلی صهونيسټی رژيم دی او تر څو چې دغه رژيم موجود وی نو په نړۍ به سوله واكمنه نه شی .
آيت ا... احمد خاتمی همداراز د اسلامی انقلاب له لومړنيو راهسې تر اووسه پورې په داخل كې د ځينو سياستوالانو خيانت ته په اشارې سره وووئيل له وطنه د دفاع په ډګر كې غوره او پاك كسان په لومړۍ كرښې كې دی او ډيرو ملی پالو اودغه ډول ادعا كونكو له وطن سره خيانت كړی دی
627534
