د ايران د قرانی خبری اژانس (ايكنا) د يو راپور پر اساس، د ايران د اسلامی جمهوريت د قضایې قوا مشر ښاغلی ايت الله آملی لاريجانې نن د ايران د قزوين ولايت خلكو ته په يوه ژوندۍ تلويزيونی مركه كښې له ۵+۱ ډلی سره د ايران د خبرو اترو ته اشاره وكړه او ویې ويل ايران د برابرو شرايطو د خبرو اترو په اړه خپل وړانديزونه كړی دی او د خبرو اترو مقابل لوری بايد قانون او منطق ومنی.
د هغه په وينا د ايران له نظره د دغه هيواد د اتومی موضوع په سر خبرې اترې نور موضوعيت نلری او د دښمنانو اقدامات نن سبا د ايران په اتومی موضوع كوم اغيز نلری او هغوئ د ايران د ملت په عظمت سترګی نه شی پټولای.
ښاغلی ايت الله آملی لاريجانې زياته كړه د الحاقی پروټوكول له مخې د اتومی انرژۍ د نړيوال اژانس د غړيو هيوادونو د اتومی فعاليتونو درست معلومات بايد د آژانس غړو ته وركړل شی او كه د ټولو لپاره قوانين يو ډول وی نو كومه ستونزه به هم نه وی، خو تجربی ښودلی ده چی د خبرو اترو مقابل لوری د مسئلې په آواری پسی نه دی او يوازې نيت لری امتيازات واخلی او په نورو مسلط شی.
ښاغلی ايت الله آملی لاريجانې وويل نن سبا نړۍ اقتصادی، سياسی، مالی او بانكی عادلانه قوانينو ته اړتيا لری او درست بايد پكښې په فعال ډول ګډون ولری.
692945
