د ايران د قرانی خبری اژانس (ايكنا) د يو راپور پر اساس، د تهران د جمعی لمانځه خطيب آيت الله احمد جنتی د تهران په جمعی لمانځه خطبو كښې له اته مياشتنی ځنډ او اختلاف وروسته د عراق د حكومت له جوړيدو خوشحالی وښوده او ددی چاری په هركلی سره یې د عراق د خلكو مقاومت او بصيرت وستايه.
آيت الله احمد جنتی زياته كړه د امريكا او په سيمه كښې د دغه هيواد د مزدورانو له دباوونو سره سره په عراق كښې حكومتی څوكۍ په عادلانه ډول وويشل شوی.
آيت الله هيله وښودله په عراق كښې له خونړيو ترهه ګرو بريدونو او اقداماتو وروسته په نوی پړاو كښې سوله، آمنيت او ثبات ټينګ شی.
د تهران د جمعی لمانځه خطيب آيت الله احمد جنتی هم دغه راز د خپلی خطبی په يوه بله برخه كښې قم ته د رهبرۍ د سترمقام وروستی سفر يادونه وكړه او هغه یې د انقلاب د تاريخ د اوج ټكی وباله .
د جمعی خطيب آيت الله احمد جنتی په تيره بيا په علميه حوزی د رهبرۍ د ستر مقام د سفر بركتونه او اغيزې له اټكلونو ډيری زياتی وی او ولايت فقيه، د تقليد د مراجعو او عالمانو تر مينځ یې د اختلاف د شتون په القا كولو كښې د دښمنانو د دسيسو شنډول د دغه سفر مهمی سياسی پايلې وبللی.
خطيب آيت الله احمد جنتی د لړم په ديارلسمه چی له نړيوال استكبار سره د مبارزی نړيواله ورځ ده د خلكو په تيره بيا د محصلينو او زده كوونكو پراخه شتون ته په اشاری سره وويل د ايران ځوانانو تل د ولايت په چورليز او بصيرت سره د رهبرۍ د سترمقام د لارښوونو پراساس په ډګر كښې شتون موندلی او دسيسی یې شنډی كړی دی.
693842
