د ايران د قرانی خبری اژانس (ايكنا) د يو راپور پر اساس، د رهبرۍ سترمقام په دغه غونډه كښې د فاضلانو او استاذانو په ويناوو او علمی مقالو خوښی وښوده او مننه یې وكړه او دغه موضوع یې د ايران د پوهانو او عالمانو د ډير لوړ ظرفيت نښه وبلله .
حضرت آيت الله العظمی سيدعلی خامنه ای لومړی د پوهانو او بيا د ټولنې په عمومی سويه د سترو مسئلو په هكله خبرې اترې او كلتور د ستراتيژيكو غونډو يو بل هدف وباله او زياته یې كړه ددغو غونډو دريم هدف د هيواد د راتلونكې لپاره د لاری ټاكل دی .
د رهبرۍ سترمقام حضرت آيت الله العظمی سيدعلی خامنه ای د پرمختګ د ايرانۍ او اسلامی بيلګی په بحث كښې د امنيت، عدالت، هوساينې، آزادۍ، حكومت، خپلواكۍ او ملی عزت په څير د ژوندون اصلی مسئلو ته پام اړين وباله او ویې فرمايل په دغه بيلګه كښې بايد ژوند ته ډير پام وشی.
د اسلامی انقلاب ستر لارښود حضرت آيت الله العظمی سيدعلی خامنه ای د اسلام له نظره د حكومت مسئله يوه بله هغه موضوع وبلله چی په دغه بهير كښې بايد ورته پام وشی .
حضرت آيت الله العظمی سيدعلی خامنه ای په دی اړه وفرمايل په اسلام كښې فردی يا وګړنيز صلاحيتونه دومره مهم دی چی هر څوك چی وغواړی يو مسئوليت اودنده ومنی نو بايد په ځان كښې لازم صلاحيت راپيدا كړی كه نه نو د مسئوليت په منلوسره یې يو ناروا كار كړی دی .
د دغه غونډی په پيل كښې چی څلور ساعته اوږده څوارلسو متفكرانو او استاذانو د پرمختګ د ايرانۍ او اسلامی بيلګی په هكله خپلی ليدتوګی او نظرونه بيان كړل .
705456
