د ايران د قرانی خبری اژانس (ايكنا) د يو راپور پر اساس، د اسلامی انقلاب ستر لارښود په خپلې وينا كې د قم د ولس د۱۹ نیټې پاڅون د اسلام او ايران د ملت د دښمنانو او استكبار پر جبهې يو مضبوت ګوزار وباله او زياته ئې كړه دغه ولولناك شتون د دښمنانو په خلاف په درست هيواد كې لوی خوځښتونه رامينځته كړل.
د اسلامی انقلاب معظم لارښود حضرت ايت الله العظمی سيد علی خامنه په بيلابيلو ډګرونو كې د ايران د ملت د سرلوړيو په يادولو سره ټينګار وكړ دغه ملت توانيدلی دی له معنوی او مادی پلوه وده وكړی چې د علم او خدمت په زمينې كې پرمختګ ئې يوه بيلګه ده.
حضرت ايت الله العظمی سيد علی خامنه هم دا راز دې ټكی ته په اشارې سره چې د قم ولس تل په بيلابيلو ډګرونو كې مخكښې دی، قم ته ئې د خپل وروستی سفر په وخت د دغه ښار د خلكو د شتون قدرونه وكړه او وې فرمائيل په دغه سفر كې د خلكو بيلابيلو پرګنو اسلامی نظام ته خپله پابندی او دغه راز خپل بصيرت او ايمان نندارې ته وړاندې كړ په دې ډول چې دښمنانوهم پرې اعتراف وكړ.
د اسلامی انقلاب معظم لارښود حضرت ايت الله العظمی سيد علی خامنه د قم د میړنی ولس خوځښت د بصيرت او ویښتيا يوه بيلګه وبلله او ټينګار ئې وكړ، په ټولو پیښو كې بايد دغه ډول عمل وشی چې غليمان اوس هم ترې ويریږی او دا داسې حركت دی چې تر آخره به دوام ولری.
حضرت ايت الله العظمی سيد علی خامنه هم دا راز په فلسطين، لبنان عراق او افغانستان كې د امريكا د سياستونو پاتې راتلو ته په اشارې سره روښانه كړه، امريكا د ايران د اسلامی جمهوريت نظام د خپلو ناكاميو اصلی عامل معرفی كوی په داسې حال كې چې په حقيقت كې ئې د ملتونو له ویښتياؤ او سمو سياستونو ماته خوړلې ده.
727244
