احـمدی نژاد: د‎ ‎سيمې دښمانان په انفعالی دریځ كښې ورغلی دی ‏

سياسی ډله: د ايران د اسلامی جمهوريت ولسمشر د سوریې د پارلمان له مشر سره په كتنې ‏كښې وويل د سيمې د ملتونو مقاومت او دريدا دښمانان په انفعالی دریځ كښې وروستلی دی.‏

د ايران د قرانی خبری اژانس (ايكنا) د يو راپور پر اساس، د ايران ولسمشر محمود احمدی ‏نژاد نن په تهران كښې د سوریې د پارلمان له مشر محمود لابرش سره په كتنې كښې وويل ‏د دښمانانو په وړاندې د سيمې د هيوادونو اتحاد او مقاومت ضروری دی.‏
ښاغلی احمدی نژاد دې ته په اشارې سره چې لويدیځ او د سلطې نظام د سيمې د مقاومت او ‏د ايران او سوریې د جبهې د كمزوری كولو هڅه كوی وويل نن د سلطې د نظام د غوښتنې ‏په اپوټه په سيمه او نړۍ كښې دوه متحده حكومتونه قدرت ته رسيدلی دی او د مقاومت ‏جبهه هره ورځ پسې قوی كیږی.‏
د سوریې د پارلمان مشر محمود الابرش هم دې ته په اشارې سره چې دښمانان په اسلامی ‏او عربی هيوادونو كښې د مشكل د رامينځته كولو هڅه كوی وويل د اسلامی هيوادونو ‏مقاومت او پيوستون د دښمانانو د سپيرو هدفونو د پوره كيدا خنډ كيدلای شی.‏
د سوریې د پارلمان مشر دې ته په اشارې سره چې دښمانان د اسلامی هيوادونو د ويش او د ‏سيمې د ملتونو ترمينځ د اختلاف او ګډوډۍ د رامينځته كولو هڅه كوی وويل د اسلامی او ‏عربی هيوادونو پيوستون او اتحاد به دښمانان ناكامه كړی.‏
‏727707‏