د ايران د قرانی خبری اژانس (ايكنا) د يو راپور پر اساس، د تهران د جمعی لمانځه خطيب آيت الله احمد خاتمی د ليبيا د خلكو د پاڅون د ملاتړ په پلمه په دغه هيواد كښې د لويدیځ پوځی لاسوهنې احتمال ته په اشارې سره یې وويل انسانيت د ليبرال ډيموكراسۍ په وړاندې كوم ارزښت نلری، ځكه هغوئ هغه مهال د ليبيا د ديكتاتور پر ضد دریځ غوره كړه چې انقلابيان د تيلو په څاګانو سلطه ومونده .
هغه وويل په ليبيا كښې د امريكايی پوځيانو شتون په سيمه كښې په يوه بل ډنډ كښې د هغوئ د نښتلو په معنی دی.
د تهران د جمعی لمانځه خطيب د سيمې د ملتونو د پاڅونونو پيغام، له اسلام ضدو، ديكتاتورانو او د لسطې د نظام پورې له پيلو او تالی څټو رژيمونو سره مبارزه وبلله او ویې ويل نن سبا د ديكتاتورانو د زوال وخت دی.
د تهران د جمعی لمانځه خطيب په تونس، مصر، ليبيا، بحرين او يمن كښې پرله پسې غورځنګونه چې د الله اكبرپه شعارونواو د جمعی لمانځه په اداكولو سره پرمخ ځی . بې سارې حركتونه وبلل او زياته یې كړه دغه پاڅونونه په اسلامی ویښتيا كښې جرړه لری .
آيت الله خاتمی همدغه راز ډګر ته د انقلاب ضد كسانو د راوستلو لپاره د نړيوال استكبار هڅو او د سيمې په هيوادونوكښې له ولسی اعتراضونو سره په ايران كښې د بلواوو د يو شان بللو لپاره د نړيوال استكبار هڅو ته اشاره وكړه اویې ويل د استكبار ټوله هڅه داده چې څيره د سيمې مسلمانو ملتونو ته د اسلامی انقلاب بيلګه داغی وښيی ، په داسی حال كښې چې اسلامی ايران د سيمې يو تر ټولو امن او قدرتمن هيواد دی .
د تهران د جمعی لمانځه خطيب د ايران اسلامی جمهوريت ولسی نظام وباله چې په تيرو دريوو لسيزو كښې د خلكو په دوامداره رايو او غوښتنو ولاړ دی او تل د ديكتاتورانو په مقابل كښې ولاړ دی .
هغه ټينګار وكړ استكبار دې پوهه شی چې د سيمې انقلابونه د اسلامی انقلاب دوام دی.
757476
