پسرلی د خدای الله نخښه ده

سپرلی د ژوند او مرګ انځورګر دی. سپرلی تا ته وايی چې څرنګه د ژوند له خوبه سر راپورته كړې او له ژونده د هغه لور سبزه ووينې.

سپرلی د خدای نخښه ده. وګوره چې څرنګه ځمكې ځان د ژمی سوړ مرګ ته سپارلی او د سپرلی په نازوونكو لاسونه له خوبه راویښیږی او زرغونیږی. نو ته ولې زرغون نه یې؟ ګل او بلبل ، باغ او بڼ او ونه او چمن وګوره عمر لنډ دی او تيريدونكی، او اوس دادی ستا د غوړيدو وار دی.
سپرلی د خدای سوچه عطر دی نو ته هم د هغه ذات چې د مخلوقاتو چورليز دی هركلی ته ورشه دزړ ه خونه دې اباده او جارو كړه چې نوی موسم په لاره دی.
عزيزانو ژمی د بندی دانو موسم دی هغه دانې چې د ژمی په خوب ودې وی او لا د ژوند د عظمت په تماشا نه وی ولاړې . واروې ويلې شی او وریځې ګرمه سا واخلی. او دا يخې دانې وروورو سترګې پرانيزی له جسمونو ازادې شی او له خاورو سرونه راپورته كړی.
نو سپرلی انسان ته دخدای يو فرصت دی چې په دې وسيله ځان وپيزنی او دهدفمن ژوند په لور ګام واخلی، او نور د غفلت له خوبه ویښ شی او دخدای په لارې كې ګام پورته كړی ، ځكه چې ژوند تيریږی او بيا به افسوس كوو.
شيرين عمر چې تيریږی دريغه دريغه
د اوبو په څير بهیږی دريغه دريغه ، نو مسلمانان هم بايد له پسرلی درس واخلی او د ژمی د دانو په څيرله خاورو سر پورته كړی، او د كمال او ژغورنې او د بشر په تيره بيا د مسلمانانو د يووالی لپاره دې هڅې وكړی .
743481