په موريتانيه كښې استوګن فرانسوی مسلمان دانشور «يان منصور توفيق دو گرانژ»(Ian Mansour de Grange) د ايران د قرآنی خبری آژانس (ايكنا) سره په مركه كښې د دې ټكی په بيانولو سره ووئيل: صحيح ده چې د قرآن كريم د حرمت سپكاوې د هر مسلمان قهر راپاروی خو الهی كلام ته يوازې هغه وخت پاملرنه چې د هغه سپكاوی وشی، د اسلامی ټولنې لپاره هم يو ناخوښ كار دی.
دوی وضاحت وكړ: د قرآن كريم د سپكاوی له تكراريدو څخه د قهر او كركې ترڅنګ دغه شان پیښې پكار دی مسلمانان د خپل ايمان، عقائدو او د اسلام د مبين دين حكمونو ته د هغوی د توجه په اړه لازيات تفكر ته مجبور كړی. كه چيرې نن سبا ځينی خلك د اسلامی مقدساتو د سپكاوی كولو جرائت كوی په دې دليل دی چې خپله مسلمانانو د الهی كلام په نسبت غفلت كړی دی.
منصور توفيق د خپلو ويناو په پائې كښې ووئيل: قرآن كريم او د اسلام د مبين دين تعليمات د نړۍ د ټولو خلكو د درد او ناروغۍ علاج او دارو دی او زمونږ مسلمانانو دنده ده چې دغه دارو په وخت او په مناسب ځائې كښې د اوسنۍ زمانې ټولو ناروغانو ته وركړو. نوبس د بيمارانو او ناروغانو سره د ورته مقابلې په ځائې پكار دی د علاج او درملنې طريقه هغوی ته ورزده كړو او دا كار يوازې د اسلام د مبين دين د تعليماتو په ترويجولو سره شونی دی. 964301