د نجف په علميه حوزه كښې د حضرت امام خامنهای(مدظلهالعالی) استازی او د دغې حوزې يو استاذ «محمدمهدی آصفی» د ايران د قرآنی خبری آژانس (ايكنا) سره په مركه كښې د دې ټكی په بيانولو سره ووئيل: د قرآنی شبكو او انټرنیټی سائیټونو جوړول يو ډير ښه كار دی چې په دې وروستيو كښې ئې په اسلامی نړۍ كښې بڼه نيولې ده او د ايران په اسلامی جمهوريت كښې هم په پراخه توګه تعقيبیږی، دا كار قرآن پاك د خلكو مينځ ته راولی او خلك د قرآن سره آشنا كوی او يو ډير ارزښتناك كار دی.
دوی زياته كړه: دغه شبكې او چينلونه پكار دی ترڅومره چې كوې شی قرآن دې په ځائی ژبو او په ساده او آسانه توګه د خلكو په لاس رسۍ كښې كیږدی چې خلك د هغو مفاهيمو، افكارو او حقايقو سره چې قرآن ئې مطرح كوی، آشنا او بلد شی.
د نجف په علميه حوزه كښې د حضرت آيت الله العظمی خامنه ای نمائنده د نړۍ په سطحه د يو قرآنی خبری آژانس شتون يوه ډيره مهمه اړتيا وبلله او وئې وئيل: ننۍ نړۍ يوه داسې صحرا ده چې د قرآن تږې ده او دغه وچه بيديا نن سبا پكار دی د قرآن كريم د تعليماتو او معارفو څخه په ګټه اخيستنې سره په يوې سرسبزې، زرغونې، زرخيزې او د بركت نه په ډكې خاورې باندې بدله شی.
دوی د يو قرآنی خبری آژانس ترټولو مهمه دنده داسې بيان كړه: قرآن د خلكو د ژوند، د ښه ژوند تيرولو او د خپل ځان، خدای پاك (ج)، نړۍ، دوست او دښمن سره د غوره رابطې د ټينګولو لپاره نازل شوی دی، نو په دې وجه دغه رسالت او دنده پكار دی خلكو ته په يوه ساده ژبه وروپوهول شی، په يوه داسې ژبه چې د يوې ټولنې ټولې پرګنې پرې پوهیږی. 964979
