د shorouknews د اطلاع رسونې د سائیټ له قوله د ايران د قرآنی خبری آژانس (ايكنا) د رپورټ له مخې: د مصريانو دغې ډلې د فيس بك له استعمالونكو نه وغوښتل چې په اسرائيلو پورې اړوندو ويب پاڼو ته په ننوتو سره د فلسطين پرخلاف د د غه رژيم جنايتونه وغندی او د فلسطينی اسيرانو سره خپله خواخوږی او پيئلتيا وښئی.
په فيس بك كښې د اسرائيلو د بهرنيو چارو د وزارت، د دغه رژيم د وزيراعظم، د اسرائيلو د پوځ د وياندوی او همداراز د «اسرائيل تتكلم بالعربية»(اسرائيل په عربی ژبه خبرې كوی) په نامه يوه صفحه په دې لړ كښې هدف ګرځيدلی دی.
د فيس بك استعمالونكو ته په دغه بلنه كښې د اسرائيلو سره د اړيكو د سمولو او تل ابيب ته د مصر د ګيس د صادريدو سره د مخالفت د اعلانولو غوښتنه هم شوې ده.
د دغه رپورټ له مخې: د اسرائيلو د نيواكګرۍ د غندلو غوښتنه د مصر د ولس د هركلی سره مخامخه شوې ده او مصری ښاريزو دفلسطينی اسيرانو سره د نيواكګرو د غيرانسانی كړچار په غندلو سره دغه رژيم نيواكګر او مجرم وباله.
يو بل رپورټ هم وائی چې وړمه ورځ د فلسطين د نيواك او د اسرائيلو د جعلی رژيم د جوړيدو د كليزې يعنې د نكبت د ورځې د ٦٤ كليزې سره په يووخت د مصر په سل هاؤ تنو انقلابی ځوانانو د خپل هيواد په پلازمينه قاهره كښې د امريكې د سفارت مخې ته مظاهرې وكړې. 1009494
