د ايران د قرانی خبری اېجنسۍ (اېكنا) د اسلامی كلتور او ارتباطاتو د څانګې د رپوټ له مخې د حضرت فاطمه زهرا سلام الله عليها د ولادت د كليزې په مناسبت او زمبابوے د ښځو د تنظيم او د ايران د اسلامی جمهوريت د كلتوری مركز په همكارۍ سره په ټولنه كښې د ښځې د كردار په موضوع سره په الهی دينونو كښې د ښځو د مقام نومې يو سيمينار د غوئی د مياشتې په ٢٣ نېټه د حراره پوهنتون د غونډو په هال كښې جوړه شوه.
په دغه غونډه كښې چې د دغه هېواد د ځينو حكومتی چارواكو، د دينی او كلتوری مركزونو د ډائرېكټرانو او د يو شمېر محصيلينو په شتون سره وشوه د بی بی زهرا نومې د ښځو د تنظيم مشرې هاجر ماكونجا د غونډې د جوړولو اهدافو ته اشاره وكړ او زياته یې كړه ښځه د افريقا د براعظم په ټولنه كښې زيات شتون لری او كه دغه شتون په الهی تعليماتو باندې په تكیې او له حضرت فاطمه زهرا (س) څخه په بېلګه اخېستنې سره مل وی نو په يو رغوونكی او ګټور شتون باندې بدل شی.
په دوام كښې په زمبابوے كښې د ايران د اسلامی جمهوريت سفير پورنجف په علمی، كلتوری،سياسی او د زكړې په ډګرونو كښې د ښځو د شتون د شمېرې په وړاندې كولو سره د كورنۍ مركز ته پاملرنه يوه مهمه وظيفه وبلله او وې ويل: الهی تعليمات د ښځې او سړی دواړو د دنيوی او اخروی سعادت په فكر كښې دی.
د ايران د اسلامی جمهوريت د كلتوری مركز مشر حجت الاسلام والسملمين محمد اسدی موحد هم په خپله وېنا كښې د ښځې او مور د ورځې په مناسبت د مباركۍ په ترڅ كښې د قرانی ايتونو او په استناد سره د كورنۍ او والدېنو د مقام څېړنه وكړه او تاكيد یې وكړ چې له قران او نبوی مكتب سره تمسك د بشر د سعادت ضمانت وركوی.
1011106
