د برما د غميزو په وړاندې د نړيوالو تنظيمونو خاموشی نه باور كوونكې ده

نړيواله ډله: د ايران د اسلامی شورا په جرګه كښې د مباركې د سيمې د خلقو نمائنده وويل: ملګری ملتونه او د اسلامی تعاون تنظيمOIC ته نه دی پكار چې په شام كښې د دهشتګردو ډلو د جنايتونو او همدارنګ د برما په روهينګيا كښې د د مسلمانانو د قتل عام په وړاندې خاموشی اختيار كړی.

د ايران قرانی خبری اېجنسۍ (اېكنا) دTV Press په نقل سره رپوټ وركړ، د ايران د اسلامی شورا د جرګې د مباركې سيمې د خلقو نماېنده علی ايرانپور وړمه ورځ د زمری د مياشتې په ١٧ نېټه د اسلامی شورا د جرګې په څرګنده غونډه كښې د دې خبرې په بيانولو سره څرګنده كړه: په شام كښې د دهشتګردو ډلو د جنايتونو او همدارنګ د برما په روهينګيا كښې د د مسلمانانو د قتل عام په وړاندې خاموشی نه باور كوونكې ده.
هغۀ د شام د مسئلې په باره كښې په وضاحت سره وويل: مغربی حكومتونه د شام په چارو كښې په مداخلت سره د دغه ملك د مسلمانانو ترمېنځ د تفرقې او بې اتفاقۍ په لټه كښې دی.
وروستی رپوټونه د اورپكو بودايانو لخوا د روهينګيائی ٦٥٠ تنو مسلمانانو د تازه قتل عام او د زرګونو كسانو د بې كوره كېدو ښودنه كوی.
د ويلو ده چې په شام كښې د ١٣٩٠ هجری نمريز كال د وړومبيو وختونو څخه ناقرارۍ او تاوتريخوالی شروع شوی دی چې په دغو جنګ جګړو كښې د شام د امنيتی ځواكونوپه شمول زيات كسان وژل شوی دی.
په داسې حال كښې چې د شام د حكومت مخالفان او مغربی حكومتونه د شام حكومت په دغه هېواد كښې په وژلو باندې تورنوی د دمشق حكومت قانون ماتوونكی، دهشتګردان او بلوه جوړوونكی د دغو جنايتونو عاملان بولی او باوری دے چې په شام كښې بلوه كوونكی د مغربی مداخلت كوونكو حكومتونو لخوا هدايت كیږی.
1074053