د ايران د قران نړيوال خبری اژانس (ايكنا) د يو راپور پر اساس، حضرت آيت الله العظمی سيد علی خامنه ای په دغې كتنې كې چې په ولولناكې او تاندې فضا كې وشوه د توانمنيو او وړتياؤ د كارولو د توفيق په خاطر ځوانو غوره شخصيتونو ته د مباركۍ په ويلو سره دوی ته په خطاب كې وفرمايل، تاسو خواږّه عزيزان بايد د اوسنی وړتياؤ د كارولو په حد قانع نه شئ بلكې بايد دغه تخم په يوه ګټه ور او ميوه وركونكی نيالګی بدل كړئ چې په ټولو وختونو او موقيعيتونو كې خپله خوږه ميوه د هيواد، ملت، تاريخ او په نهايت كې بشريت ته ډالۍ كړی. د اسلامی انقلاب ستر لارښود ښاغلی حضرت آيت الله العظمی سيد علی خامنه ای د يو شمير ځوانو شخصيتونو ليدتوګو او وړانديزونو ته په اشارې سره چې په دغې كتنې كې مطرح شول دوی ئې سنجيده او د غوره تفكر لرونكی او صدق او صفا ډك وبلل او دغو ليدتوګو او وړانديزونو ته د توجه لپاره ئې مسئولانو ته په سپارښتنو سره زياته كړه كله چې ځوانان دغه ډول په تاندوالی او هيلو او سنجيدګيو او د مسئوليت په احساس سره د هيواد د راتلونكی او پرمختګ په باب مطلبونه بيان كوی، نو يوه خوږه فضا رامينځة كیږی چې بايد دغه روحيه په ځوانانو په تيره بيا غوره شخصيتونو كې پياوړی شی.
د اسلامی انقلاب ستر لارښود سيد علی خامنه ای هم دا راز د غافلو او اړونده واكوالانو او حاكمانو د سلطې په علت د ايران علمی تاريخی وروسته پاتيوالی ته په اشارې سره وويل، له نړۍ سره زيات علمی واټن او په سيمې كې نسبتا د پياوړو سيالانو شتون هغه واقيعيتونه دی چې د ايران د ملت له شان او مقام سره وړ مقام ته تر رسيدا پورې د علمی چټكتيا د خوځښت د دوام ضرورت دوه چنده كوی.
هغه حضرت هم دا راز د ځوانانو د پياوړی روحیې نتيجه د ايران د ملت او هيواد په ګټه وبلله او ټينګار ئې وكړ ځوان شخصيتونه چې له دغه ډول انګيزو او روحيو سره د ايران د علمی پرمختګ په لاره كې ګامونه پورته كوی، په حقيقت كې خپله شخصی پانګه چې هماغه نبوغ دی په ملی پانګې بدلوی او ټول به ورځينی ګټه پورته كړی.
1112919