مهمانپرست: ټول هيوادونه بيا په تيره اسلامی او عربی هيوادونه دې د غزې خلكو مرسته وكړی

سياسی ډله: د اسلامی ايران د بهرنيو چارو وزارت ويندوی رامين مهمانپرست نن په يوه خبری كنفرانس كې په ډاګه كړه اسرائيل نن ځكه په فلسطين كې بې ګناه ښځې او ماشومان وژنی چې له دې وړاندې د سيمې هيوادونو د دې رژيم پر ګواښونو سترګې پټې كړې دی.

د ايران د قران نړيوال خبری اژانس (ايكنا) د يو راپور پر اساس، ښاغلی مهمانپرست زياته كړه اسلامی ايران له لومړی سره پر غزه د اسرائيلو بريدونه سخت غندلی او د اسلامی ايران د بهرنيو چارو وزير علی اكبر صالحی د اسلامی ملګرتيا سازمان په غونډه كې په دې اړه د اسلامی هيوادونو سره مشرانو سره په دې اړه د نظر تبادله كړې ده.
د مهمانپرست په وينا د فلسطين له خلكو ملاتړ د ايران اصولی سياست دئ او تهران غزې ته د بشری مرستو لیږلو ته چمتوالئ نيولئ دئ . د بهرنيو چارو وزارت ويندوی د سورېې په اړه وويل ايران او د نړۍ ګڼ نور هيوادونه په دې اند ډی چې د سورېې د بحران حل يواځې د خبرو اترو له لارې ممكن دئ او بايد په خپله د سورېې خلك د خپل برخليك په اړه پريكړه وكړی .
د مهمانپرست په وينا هغه هيوادونه چې سورېې ته وسلې لیږی پر غزه ېې د صهيونيست رژيم په جنايتونو خوله پټه كړې ده . هغه د ايران او ۵+۱ ډلې تر منځ د راتلونكو خبرو اترو په اړه هم هيله مندی وښوده چې آژانس په منطقی كړچار سره له ايران سره خبرو اترو ته كينی .
1140294